1. Хүний хэрэгцээг хангах ажил - Дорж ажилчдын үйлчилгээний халуун усанд орж ажлын хувцсаа солив. С.Лочин Сэтгэлийн өнгө., үйлчилгээ муутай (бусдад үзүүлэх үйлчлэл муу), үйлчилгээний хүрээ (хүн амд тодорхой чиглэсэн зорилготой үйлчилж буй салбарын цогцолбор); нийтийн ахуйн үйлчилгээ (ард нийтэд үзүүлэх төрөл бүрийн үйлчилгээний газар), эмнэлгийн үйлчилгээ (эмнэлгийн төрөл бүрийн тусламж, хангамж), үйлдвэр үйлчилгээ [хоршоо] (үйлдвэрлэл эрхэлж, үйлчилгээ үзүүлэх явдал);

---

2. Эм, тариа зэргийн үйлчлэлийн үр дүн: эмийн үйлчилгээ (эмийн нөлөөлөл, эмийн бие махбодод үзүүлэх нөлөө) - Энэ тариаг би урьд нь хэрэглэж явсангүй. Мөн ямар үйлчилгээтэйг ч мэдэхгүй. П.Лувсанцэрэн. Хөдөөгийн дуун., эмчилгээ үйлчилгээ [хоршоо] (а. Эмнэлгийн байгууллагын хүнд хүрч үйлчилж буй байдал; б. Эмийн нөлөө);

---

3. [шилжсэн] Нөлөө - Хаврын гурван сард халуун салхины үйлчилгээгээр хамаг газар дэвэлзээд хавтай шиг байдаг л. Д.Равжаа. Зохиолын эмхэтгэл.