Хүүхдийн үгээр наадаж тоглодог тоглоом. Тоглохдоо хүүхдүүд хоёр гарын арван хуруугаа урнаар холбож сүмбэр уулыг дүрсэлнэ. Үүнд, баруун гарын чигчий хурууг зүүн гарын чигчий хурууны өндөг дээр тохоод зүүн гарын ядам ба дунд хоёр хуруун дээр баруун гарын ядам ба дунд хурууг тохон, сул үлдсэн зүүн гарын эрхий, долоовор хуруу, баруун гарын долоовор хуруу гурвыг үзүүрээр нь нийлүүлж өөд нь өргөн сүмбэр уулыг дүрслэн бүтээнэ. Үүний дараа үгээр наадаж бүтээсэн сүмбэр уулаа задалснаар тоглоом дуусна.