1930-1940-өөд оны үед МОНТА нь “Бюллетень МОНТА”, “Хураангуй сэтгүүл” гэдэг хоёр сонинг Орос, Монгол хэлээр гаргаж байжээ. МОНТА нь өөрийн орны тухай хилийн чанадад, гадаад орнуудын мэдээг өөрийн оронд нэвтрүүлсээр байна. 1957 оны аравдугаар сард МОНТА-г Монголын цахилгаан мэдээний агентлаг буюу МОНЦАМЭ гэж нэрлэжээ. 1981 онд МОНЦАМЭ агентлагийг Хөдөлмөрийн гавьяаны улаан тугийн одонгоор шагнасан юм.