Нийслэл Хүрээнд Богдод мандал даншиг өргөж, баяр ёслол явуулжээ. Энэ үеэр Богд хаантнаас Ардын Засгийг өнө удаан мандаж, олон түмэн ард эрх чөлөөтэй жаргах болтугай хэмээн ерөөл талбисан ба “Басхүү түших тулах газаргүй ядуу ардыг тэжээн тэнхрүүлж, аливаа ялтны ялыг зохисыг үзэж хөнгөтгөсөн зарлиг гаргажээ. Зарлиг ёсоор Далан наснаас дээш ерөн есөн насанд хүрэгсдийн зохисыг үзэж, мөнгөөр шагнах, Зуун насанд хүрэгсэд буй аваас тэднийг хаанд тодорхойлон мэдүүлж, онц шагнах ” талаар зарлиг буулгажээ.