1. Ихийн эсрэг утга; хэмжээгээр их биш, том бус, жижиг: бага мал (а. Жижиг биетэй мал; б. Нас дэлгэрэнгүй...гүйцээгүй мал; в. Бог мал), бага таван ханат (ханын хэмжээ бага), бие нь бага (нас бие бага) - Охин минь бие нь бага ч ухаан сууж байна шүү. Д.Гарамжав. Нэгэн өглөө., бага хаалга (хаалганы самбарт болон хашаанд хийсэн жижиг хаалга, явган хаалга), бага авга (эцгийн дүү), бага авга бэргэн (бага авгын эхнэр), бага араа (араа, соёо хоёрын дундах гурван хурц төвгөр илтэс бүхий оройт шүд), бага гэр (а. Хүүгийн гэр; б. Жижиг гэр), бага мөчлөг (богино мөчлөг), бага сар (хагас тэргэл сар, гуч хүрэхгүй хоногтой сар), бага үд (9-12 цагийн үе) - Бага үд өнгөртөл хар жалга дундуур мөр дагаж сүлжээд явав. Б.Бааст. Алтайн хөх дөнөн., бага гарчиг (номын ерөнхий гарчгийн дор бичих нэмэлт гарчиг), бага лаваг [хуучирсан] (арьс зэрэг юмыг тэлж, дүгрэг болгон нээлхий хийж, сум зэв агуулж явах бяцхан сав), бага магнаг (алтан утас ёнхроор нэхсэн бага луутай торго), бага тархи (их тархины доод этгээдэд байх биеийн хөдөлгөөнийг удирдан зохицуулах үүрэгтэй жижиг тархи), бага сага хэрэг шийтгэх гэр [хуучирсан] (олон явдлын яам, хэлтэс, тэнхим, хүрээ, хуулийн юм зүйлийг бэлтгэх, шийтгэх газар), бага тогтнол (мөнхийн дээр оролт давхацсан хүллийн нэр), бага хаалт [хэл зүй] (дугуй хаалт), бага холбох зэмсэг (цонх нээх хаахад нугалбар болох бяцхан төмөр товчлуур), бага хураангуй (утга зохиолын дотор өмнөх санааг хураангуйлан бичсэн үг), бага хэвэл, хэвлий (хүний хүйс, цавь хоёрын хоорондох хэсэг), бага эм (авааль эмийн дараах гэргий), бага жижиг [хоршоо] (том бус жижиг), бага сага [хоршоо] (цөөхөн тооны; жижиг сажиг, аар саар) - Дэлгүүрээс бага сага юм худалдаж авав. Яриа; - Бага сага ажил эмхлүүлэв. И.Дамбажав. Монгол үгийн дээж., *бага чулуугаар их чулууг хөдөлгөх (бага зардал гаргаж их ашиг олох), багаас их болно, балчраас том болно [зүйр цэцэн үг] (аливаа юм багаасаа эхэлж өсөж дэвждэг гэсэн санаа), бага идвэл бал, баахан хэтэрвэл барс [зүйр цэцэн үг] (архи сархдыг хэтрүүлэн уух тусгүй гэсэн санаа), бага эвхмэл [хуучирсан] (айлтгах хэрэг зүйлийг бичиж, сайдуудад үзүүлэн өргөх бичиг);
2. Насаар дүү, бага настай:
бага залуу (нас бага залуу)
дэлгэрэнгүй...- Үүнд бага залуу хэмээн үл ялган, хэний арга удаан урт болбоос тэр нь тэргүүлбээс зохих тул… В.Инжаннаши. Хөх судар., бага нас (балчир нас, хүүхэд нас), бага хүүхэд (бага насны хүүхэд) - Аль багадаа газрын тагт тэртээ зүүн зүгийн Дарьганга гэж нутаг байдаг гэж сонссон. Ч.Лодойдамба. Тунгалаг Тамир., багадаа ном сур, идэртээ ажил сур [зүйр цэцэн үг] (а. Эрдэм номыг бага залуудаа амжиж сур; б. Аливаа үйл хэргийг цаг тохиолд нь завдаж хийх нь чухал гэсэн санаа), бага балчир [хоршоо] (балчир жаахан) - Бага балчир наснаасаа ижилдэн хайр сэтгэлтэй болсон. Б.Өлзийсүрэн. Замын хүзүү., хүн болох багаасаа, хүлэг болох унаганаасаа [зүйр цэцэн үг] (бага насанд хүн төлөвшин тогтдог гэсэн санаа), багадаа тэвнэ хулгайлж сурвал их болоод тэмээ хулгайлна [зүйр цэцэн үг] (алдаа дутагдлыг анхнаас нь засаж залруулахгүй бол эцэстээ улам даамжирч их уршиг тарина гэсэн санаа);
3. Эхний, доод шат:
бага сургууль (анхан шатны сургууль),
бага анги (ерөнхий боловсролын сургуулийн нэгээс
дэлгэрэнгүй...дөрөвдүгээр анги) - Бага ангид Гооёо захирал өөрөө заана. Д.Гарамжав. Нэгэн өглөө., бага ангийн сурагчид (ерөнхий боловсролын сургуулийн нэгээс дөрөвдүгээр ангийн сурагчид), бага хурал (олон улсын болон албан байгууллагын төлөөлөгчдийн зөвлөгөөн);
4. Доод тушаалтан, зэрэг цолын доод эрэмбэ:
бага дарга (доод тушаалын дарга),
бага дэслэгч (офицерын анхны цол),
дэлгэрэнгүй...бага түрүүч (цэргийн цол), бага эмч (дунд зэрэглэлийн эмч) - Бага эмч, сувилагч хүүхдүүд нэг сонин уншив. Л.Дашням. Бурхантын цэцэг; бага зэрэгтэн [хуучирсан] (түшмэл тушаал их бөгөөд, хавсарсан зэрэг багыг хэлнэ);
5. Цөөхөн тоотой, тоо цөөхөн:
бага мөнгөтэй явах (хэдхэн төгрөгтэй явах),
бага бус (багагүй, тийм ч бага биш),
дэлгэрэнгүй...бага ургац (хэмжээний хувьд их биш ургац) - Үр цөөхөн суулгаснаас нэг га-аас авах ургац бага байна. Л.Дашням. Бурхантын цэцэг., [шилжсэн] бага сагалах (ажилтай ажилгүй хоёрын хооронд явах, юухан хээхнээр цаг өнгөрүүлэх), *бага зэрэг сувилах [өвчин] (цэцэг өвчнөөр өвдөх), бага алаг тоншуул [амьтан] (Монгол орны Алтай, Хангай, Хөвсгөл, Хэнтий, Хянганы ой мод бүхий нутгаар амьдардаг суурин шувуу), бага бужгар [ургамал] (цэцэг болон үндэс нь бие махбодод дулааны илч үүсгэн тамир тэнхээ сайжруулах, хоол боловсруулах эрхтний өвчнийг анагаахад хэрэглэдэг өвс), бага хонхон цэцэг [ургамал] (цэцэг, навч, үндсээр нь элэг цөсний өвчнийг эмчилдэг), бага хотой [ургамал] (цэцэг навчийг нь гэдэсний хижиг, цусан суулгыг анагаахад хэрэглэдэг халуун намдаах чадалтай нэгэн зүйл цэцэг), бага хумхаал [ургамал] (дотор эвгүйцэж цөсөөр бөөлжих зэрэг элэг цөсний цочмог, архаг үрэвслийг анагаах эмийн жорд цэцэг нь ордог, цус тогтоох үйлчилгээтэй эмийн өвс), бага азаргана (захаараа өргөстэй, уртлаг навчтай, бор улаан цэцэг гарч, урт зуувгар туранхай жимс суудаг, нарийн урт үртэй, үндэс нь хавдар хариулах, цус тогтоох үйлчлэлтэй, зүлэг газрын олон наст өвслөг ургамал, бага цоор), бага хялгана (говийн хялгана), бага хурган чих [ургамал] (Монгол орны гол мөрний шугуй, нуга, элс хайрга дагаж ургадаг олон төрлийн шим тэжээл агуулсан, туулгах чадалтай эмийн өвс);
6. Зурхай:
бага арга (зурхай),
бага арга байдал (зурхайн төлөв),
бага гараг (жижиг гараг),
дэлгэрэнгүй...бага халуун (дорно зүгийн зурхайн ёсны жилийн хорин дөрвөн улирлын нэг, зуны нар буцах үес), бага хүйтэн [зурхай] (сарны зурхайн ёсны жилийн хорин дөрвөн улирлын нэг, өвлийн туйл, ес эхлэхийн өмнөхөн үе), бага цасан (нэгдүгээр сарын эхэн хагас).
- бие нь бага - нас бие бага
- бага хаалга - хаалганы самбарт болон хашаанд хийсэн жижиг хаалга, явган хаалга
- бага авга - эцгийн дүү
- бага авга бэргэн - бага авгын эхнэр
- бага араа - араа, соёо хоёрын дундах гурван хурц төвгөр илтэс бүхий оройт шүд
- бага гэр - а. Хүүгийн гэр; б. Жижиг гэр
- бага арга - зурхай
- бага гараг - жижиг гараг
- бага мөчлөг - богино мөчлөг
- бага сар - хагас тэргэл сар, гуч хүрэхгүй хоногтой сар
... үргэлжлүүлэн харах ...- бага үд - 9-12 цагийн үе
- бага халуун - дорно зүгийн зурхайн ёсны жилийн хорин дөрвөн улирлын нэг, зуны нар буцах үес
- бага хүйтэн - сарны зурхайн ёсны жилийн хорин дөрвөн улирлын нэг, өвлийн туйл, ес эхлэхийн өмнөхөн үе
- бага цасан - нэгдүгээр сарын эхэн хагас
- бага гарчиг - номын ерөнхий гарчгийн дор бичих нэмэлт гарчиг
- бага зэрэгтэн - түшмэл тушаал их бөгөөд, хавсарсан зэрэг багыг хэлнэ
- бага лаваг - арьс зэрэг юмыг тэлж, дүгрэг болгон нээлхий хийж, сум зэв агуулж явах бяцхан сав
- бага магнаг - алтан утас ёнхроор нэхсэн бага луутай торго
- бага тархи - их тархины доод этгээдэд байх биеийн хөдөлгөөнийг удирдан зохицуулах үүрэгтэй жижиг тархи
- бага сага хэрэг шийтгэх гэр - олон явдлын яам, хэлтэс, тэнхим, хүрээ, хуулийн юм зүйлийг бэлтгэх, шийтгэх газар
- бага тогтнол - мөнхийн дээр оролт давхацсан хүллийн нэр
- бага хаалт - дугуй хаалт
- бага холбох зэмсэг - цонх нээх хаахад нугалбар болох бяцхан төмөр товчлуур
- бага хураангуй - утга зохиолын дотор өмнөх санааг хураангуйлан бичсэн үг
- бага хэвэл, хэвлий - хүний хүйс, цавь хоёрын хоорондох хэсэг
- бага эм - авааль эмийн дараах гэргий
- бага жижиг - том бус жижиг
- бага чулуугаар их чулууг хөдөлгөх - бага зардал гаргаж их ашиг олох
- багаас их болно, балчраас том болно - аливаа юм багаасаа эхэлж өсөж дэвждэг гэсэн санаа
- бага идвэл бал, баахан хэтэрвэл барс - архи сархдыг хэтрүүлэн уух тусгүй гэсэн санаа
- бага залуу - нас бага залуу
- бага нас - балчир нас, хүүхэд нас
- бага хүүхэд - бага насны хүүхэд
- багадаа ном сур, идэртээ ажил сур - а. Эрдэм номыг бага залуудаа амжиж сур; б. Аливаа үйл хэргийг цаг тохиолд нь завдаж хийх нь чухал гэсэн санаа
- бага балчир - балчир жаахан
- хүн болох багаасаа, хүлэг болох унаганаасаа - бага насанд хүн төлөвшин тогтдог гэсэн санаа
- багадаа тэвнэ хулгайлж сурвал, их болоод тэмээ хулгайлна - алдаа дутагдлыг анхнаас нь засаж залруулахгүй бол эцэстээ улам даамжирч их уршиг тарина гэсэн санаа
- бага сургууль - анхан шатны сургууль
- бага анги - ерөнхий боловсролын сургуулийн нэгээс дөрөвдүгээр анги
- бага ангийн сурагчид - ерөнхий боловсролын сургуулийн нэгээс дөрөвдүгээр ангийн сурагчид
- бага хурал - олон улсын болон албан байгууллагын төлөөлөгчдийн зөвлөгөөн
- бага эвхмэл - айлтгах хэрэг зүйлийг бичиж, сайдуудад үзүүлэн өргөх бичиг
- бага дарга - доод тушаалын дарга
- бага дэслэгч - офицерын анхны цол
- бага түрүүч - цэргийн цол
- бага эмч - дунд зэрэглэлийн эмч
- бага бус - багагүй, тийм ч бага биш
- бага ургац - хэмжээний хувьд их биш ургац
- бага сагалах - ажилтай ажилгүй хоёрын хооронд явах, юухан хээхнээр цаг өнгөрүүлэх
- бага зэрэг сувилах - цэцэг өвчнөөр өвдөх
- бага алаг тоншуул - Монгол орны Алтай, Хангай, Хөвсгөл, Хэнтий, Хянганы ой мод бүхий нутгаар амьдардаг суурин шувуу
- бага бужгар - цэцэг болон үндэс нь бие махбодод дулааны илч үүсгэн тамир тэнхээ сайжруулах, хоол боловсруулах эрхтний өвчнийг анагаахад хэрэглэдэг өвс
- бага хонхон цэцэг - цэцэг, навч, үндсээр нь элэг цөсний өвчнийг эмчилдэг
- бага хотой - цэцэг навчийг нь гэдэсний хижиг, цусан суулгыг анагаахад хэрэглэдэг халуун намдаах чадалтай нэгэн зүйл цэцэг
- бага хумхаал - дотор эвгүйцэж цөсөөр бөөлжих зэрэг элэг цөсний цочмог, архаг үрэвслийг анагаах эмийн жорд цэцэг нь ордог, цус тогтоох үйлчилгээтэй эмийн өвс
- бага хурган чих - Монгол орны гол мөрний шугуй, нуга, элс хайрга дагаж ургадаг олон төрлийн шим тэжээл агуулсан, туулгах чадалтай эмийн өвс
- бага мал - 1. Жижиг биетэй мал; 2. Нас гүйцээгүй мал; 3. Бог мал
- бага таван ханат - ханын хэмжээ бага
- бага мөнгөтэй явах - хэдхэн төгрөгтэй явах
- бага арга байдал - зурхайн төлөв
- бага азаргана - захаараа өргөстэй, уртлаг навчтай, бор улаан цэцэг гарч, урт зуувгар туранхай жимс суудаг, нарийн урт үртэй, үндэс нь хавдар хариулах, цус тогтоох үйлчлэлтэй, зүлэг газрын олон наст өвслөг ургамал, бага цоор
- бага хялгана - говийн хялгана
