1. Суух ачихад зориулсан арал, дугуйтай, морь, үхэр, тэмээ зэрэгт хөллөх хэрэгсэл - дэлгэрэнгүй...Морин дээр удаан явж чадахгүй эмзэглэх тул холын замд ихэвчлэн тэрэг хэрэглэх болжээ. Ш.Нацагдорж. Мандхай цэцэн хатан., тэрэг хөллөх (мал, амьтныг тэргэнд оруулж тоног хөллөгөөг тохируулах), тэрэгний боодой (тэрэгний буулга), тэрэгний гуя (тэрэгний арал), тэрэгний нум (тэргийг хөнгөн зөөлөн явдалтай болгох зүйл), тэрэгний хашлага (тэрэгний хүрээ мод), тэрэгний цөн (тэрэгний булын хүйсийн амсарт суулган тэнхлэг булыг идэхээс сэргийлэх дэр төмөр), тэрэгний саваа (булын үрэлтэд элэгдэж нарийсахаас сэргийлж тэнхлэгийн үзүүрт суулгасан урт дөрвөлжин төмөр), тэрэгний чир (тэрэгний нугас төмөр, гацаа төмөр), тэрэгний арал (тэрэг чарганы мал хөллөх зэрэгцээ хоёр урт иш, түүний хойд хэсгийг хөндлөөр холбох бөгөөд тэнхлэгт суулгана), тэрэгний тэнхлэг (арлын доогуур хөндөлдөж хоёр булын хүйсэд углаж хоёр хүрдийг холбох гол тоног), тэрэгний холхивч (тэрэгний цөн), тэрэгний чих (тэрэгний арлын гогцоо, татуурга), тэрэгний морь (тэргэнд хөллөх морь), модон тэрэг (модоор хийсэн тэрэг) - Модон тэргээ өгөөч модоо зөөгөөд өгье, монгол дүүгээ өгөөч ханийн ёсоор авъя. Монгол ардын дуу., морин тэрэг (моринд хөллөсөн тэрэг), суугаа хүний тэрэг (хөлгүй болон суугаа хүн хоёр гараар дугуйг нь хөдөлгөн явах тэрэг), үхэр тэрэг (үхэрт хөллөсөн тэрэг), төмөр тэрэг (дугуйны мөөрийг төмрөөр бэхэлсэн тэрэг), түрдэг тэрэг (хүн түрж явуулах тэрэг), тэмээн тэрэг (тэмээнд хөллөсөн тэрэг), хасаг тэрэг (том тэрэг), хүүхдийн тэрэг (нялх хүүхдийг авч явахад зориулсан багахан түрдэг тэрэг), хүн тэрэг (хүн хөллөсөн тэрэг), тэрэг хөтлөгч (тэргийг залан авч явах хүн), хөсөг тэрэг (уналга ачлагатай тэрэг), тэрэг түлээ (нэг тэргээр дүүрэн түлээ), тэрэг дамнуур [хоршоо] (дээр нь суух болон дамнан явах зориулалттай хүн зөөх хэрэгсэл) - Тэрэг дамнуурыг авалцан, хуяг морины хамтаар хороонд хүргэв. Замлин Сэнчиний намтар оршив., тэрэг сүйх [хоршоо] (хүн зөөх зориулалттай тээврийн хэрэгсэл) - Гэр хотлоорын тэрэг сүйхийг хамгаалан хэдийн хүрч ирсэн тул. В.Инжаннаши. Улаанаа ухилах тэнхим., тэрэг чарга [хоршоо] (ачаа бараа, хүн зөөх тэрэгний зүйл), тэрэг морь [хоршоо] (хүн болон ачаа тээх хэрэгсэл, түүнд хөллөх мал амьтан) - Найманы гээсэн хүрээнд орж хуяг зэвсэг тэрэг морь хүнд нарийныг олзлоод бас нэг хориул чингэлэг тэрэгний доторх хүн ба дайнд дарагдаж хүрээндээ шурган орж ирсэн хорь гучин цэргийн хүнтэй барьж их л баярлав. В.Инжаннаши. Хөх судар., *нэг тэрэгний дугуй (муу зүйлээрээ адилхан), тэрэг болж чиргүүлж, тэмээ болж ачуулах [зүйр цэцэн үг] (маш дарлуулах, зовох, зарагдах гэсэн санаа), тэрэг тоногийн хүчинд, тээвэр модны хүчинд [зүйр цэцэн үг] (бусдын тус дэмд гэсэн санаа), тэрэг юмнаас тэвэр юм үлдэх, араг юмнаас атга юм үлдэх [зүйр цэцэн үг] (их юмны үлдэц их гэсэн санаа), тэргэн од (дохиур долоон од)
2. Өөрөө явагч тээврийн хэрэгсэл, автомашин -
дэлгэрэнгүй...Энд тэндээс ганц хоёр жолооч нар ирж шинэ тэрэг харж хорхойсох бөгөөд Аюур хөдөө явахаар ирснийг мэднэ. Ч.Алагсай. Алтайн зам., ачааны тэрэг (ачаа ачих том машин), галт тэрэг (төмөр замаар чирч хөдөлгөх, олон вагон залгасан тээврийн хэрэгсэл), мухар тэрэг [хуучирсан] (автомашин), нисдэг тэрэг (а. [хуучирсан] Нисэх онгоц; б. Маш том сэнс бүхий, голдуу ачаа тээш зөөхөд тохиромжтой нэг зүйл нисэх онгоц), суудлын тэрэг (зөвхөн хүн суух зориулалттай, авсаархан машин) - Бага дарга тэндээс зайдуухан суудлын тэрэгнүүдийн дэргэд газрын зураг үзэцгээн ярилцаж буй хэсэг дарга нар тийш гүйж очив. С.Эрдэнэ. Фронтын санитар., хөнгөн тэрэг (суудлын автомашин), машин тэрэг [хоршоо] (хүн болон ачаа бараа ачих янз бүрийн тээврийн хэрэгсэл) - Одоо чинь энэ олон машин тэрэгнийхээ хурданд газар дэлхийг эргүүлж хөрвүүлэх чадал тэнхээндээ болоод тайван сууж чадахаа бүр байжээ. С.Эрдэнэ. Өвгөн хүн чулуу хоёр.
Ижил үг
