I
1. Хөвөн, мяндас зэргээр нэхэж хийсэн нэгэн зүйл үсэрхэг бараа: битүү хилэн (бүдүүвтэр хилэн), дэлгэрэнгүй...тансар хилэн (савх мэт урт судалтай хилэн) - Тансар хилэн дээлээ өргөн сураар бүсэлж, сахлаг үст үнэгэн малгай тавьсан хөдөөнийхөн байв. Л.Дашням. Бурхантын цэцэг., хамба хилэн (нарийн сайн хилэн) - Хамба хилэн хувцастай гуа охид ялгаран зогсоно. Ш.Гаадамба. Элбэг дээл., ямаан хилэн ~ тачир хилэн (нэлээд бүдүүвтэр, тачир үстэй хилэн) - Эзэн маань яг л хөтөч шиг ямаан хилэн өмдтэй, эмжээртэй савхин гутал өмсчихсөн байв. И.С.Тургенев. Ангуучны тэмдэглэл., хилэн малгай (шовгор оройтой, нарны цацрагийг төлөөлсөн гучин хоёр ширээстэй, оройдоо улаан өнгийн гогцоо бүхий сампинтай, ардаа өлзий зангидсан улаан залаатай монгол үндэсний зуны гоёлын малгай) - Барилж сонирхон үзсэнээ сүүлийн үед дэгжирхэн шилэндээ унжуулан явдаг болсон эцгийнхээ хилэн малгайд угсарч үзвэл яриангүй зохиж байв. Ч.Лодойдамба. Тунгалаг Тамир;
2. Гялтганасан, зөөлөн:
хилэн хар (гялтганасан хар) -
Хэл мэддэг хилэн хар морь нь давхиж ирэв. Халх ардын тууль.
- битүү хилэн - бүдүүвтэр хилэн
- тансар хилэн - савх мэт урт судалтай хилэн
- хамба хилэн - нарийн сайн хилэн
- ямаан хилэн тачир хилэн - нэлээд бүдүүвтэр, тачир үстэй хилэн
- хилэн малгай - шовгор оройтой, нарны цацрагийг төлөөлсөн гучин хоёр ширээстэй, оройдоо улаан өнгийн гогцоо бүхий сампинтай, ардаа өлзий зангидсан улаан залаатай монгол үндэсний зуны гоёлын малгай
- хилэн хар - гялтганасан хар
Ижил үг
