1. Цаадын ерөөл тавилангаар уулзах, тохиолдох, дайралдах - Эртний хувь зохиолоор энд учрах ерөөлтэй байжээ. Д.Нацагдорж. Учиртай гурван толгой., ерөөлөөр учрах (ерөөсөн мэт тааралдах, ерөөсөн мэт нэг нэгнээ олох), эртний ерөөлөөр учрах (эртнээс санаж хүсэж явсны үрээр уулзах), надтай учрах (надтай заяагаар таарах), нүүр учрах (а. Биеэр уулзах, нүүр нүүрээ харан уулзах; б. Танилцах) - Нүүр учрах гэж байгаа залуучууд аргагүй л ярих юм ихтэй, хэлэх үг олонтой байгаа. Ч.Чимид. Хавар намар., уулзан учрах (биеэр уулзах);

---

2. Тааралдах, золгох - Добу мэргэн тэр махыг авч харьж явах зуур, нэгэн ядуу хүн өчүүхэн хөвүүнээ хөтөлж явахтай учрав. Монголын нууц товчоо;

---

3. Муу зүйл тохиолдох, таарах: аюул учрах (аюул тохиолдох), бэрхшээл учрах (бэрхшээл таарах), гарз учрах (гарз тохиолдох), зовлон учрах (зовлон ирэх, тохиолдох), саад учрах (саад тохиолдох).