1. Юм оёж байсан зүүнд сүвлээтэй үлдсэн утас: учиг үлдээх (а. Оёдол оёж байгаад утасны эцсийн үзүүрийг унжуулан тавих; б. Малыг саагаад болон төл нь хөхөөд барахгүй дэлэнд нь сүү үлдэх; в. [шилжсэн] Үйл явдлыг гүйцэд шийдвэрлэлгүй дутуу орхих), учиг шагайх (үйл хийх), учиг шингээх (зүүнд байгаа утсыг барагдтал оёх), учиг утас [хоршоо] (а. Нэг удаагийн учигласан утас; б. Өчүүхэн) - Төр улсынхаа хэрэг явдалд учиг утасны төдий ч болов тус болохыг хичээнэ. А.Дашням. Хүрэндэлтийн хүүхэн;

---

2. Зүүнд сүвлэхээр гаргасан утасны нарийн үзүүр: учиг гаргах (утсыг зүүнд сүвлэхээр үзүүр гаргах), учиг нийтгэх (зүүнд сүвлэхээр утсаа нийтгэх) - Олсыг учиг нийтгэн хэрж байгаа нь энэ ажээ. Ж.Дамдин. Үймээний жил;

---

3. Юмны ялимгүй нарийн үзүүр: өвсний учиг (өвсний нарийн үзүүр хэсэг).