1. Юм агуулахын тулд эд бөс, эсгий мэтийн зүйлээр хийсэн сав, хүүдий: дэрний уут (дэрний гадар), хурганы уут (шинэ төрсөн хургыг хийх хүүдий сав) - Хурганы уут чинь төл хүлээн авах бэлтгэлийн нэг чухал зүйл яах аргагүй мөн дөө. Ц.Дамдинсүрэн. Түүвэр зохиол., эсгий уут (эсгийгээр хийсэн хүүдий сав), уут сав [хоршоо] (уут хүүдий), уут хүүдий [хоршоо] (юм агуулах зүйл), *уутаа гөвөх (ядуурах, хоосрох), *уутанд хийсэн үхрийн эвэр шиг (эв түнжингүй, эв нэгдэлгүй), уутны амыг боож болдог, олны амыг боож болдоггүй [зүйр цэцэн үг] (олны хэл ам хэцүү), уутанд орсон оготно шиг [зүйр цэцэн үг] (бусдын эрхшээлд орох), уургын хулгайчаас уутны хулгайч [зүйр цэцэн үг] (сүргээр нь малаа алдаж байснаас, уутаар нь юмаа алдсан нь дээр гэсэн санаа), уут хорхой [амьтан] (цагаан хорхойн авгалдай);

---

2. Зарим амьтны үр төлөө агуулж бойжуулдаг эрхтэн;

---

3. Уутат мөөгний дотроо ууттай үрцэр үүсгэх бэлгэ эрхтэн;

---

4. Эд эрхтний гадуур байх уутлаг эрхтэн: цөсний уут (элгэнд боловсорсон цөсийг өтгөрүүлж хадгалдаг хөндий эрхтэн).