Өнгөрсөн үед, эрт - Чоно энэ нутагт урьдынх шигээ элбэг биш ээ. Б.Бааст. Алтайн хөх дөнөн., урьд нь байсан (өмнө нь байсан), урьд үе (өмнөх үе, өнгөрсөн үе) - Урьд үеийн хөл үймээн одоо хаачсан юм бэ гэж санана. Ш.Нацагдорж. Мандхай цэцэн хатан., урьдын адил (өмнө нь байсан шигээ), урьдын хүмүүс (өмнөх үеийн хүмүүс), олон жилийн урьд (өнгөрсөн үед, олон жилийн өмнө), урьдын алдар цол (өмнө нь авсан байсан алдар цол), урьд хожид [хоршоо] (тухайн цаг үеэс өмнөх болон хойших цаг үе), урьдын юм ул болж, одоогийн юм зул болох [зүйр цэцэн үг] (хэрэггүйг мартаж шинийг сэдэх байх, цаг цагаараа байдаггүй гэсэн санаа) - Бүсгүй хүүхэд хүртэл гүйдэг төмөртэй ноцолдохыг ганц аз гэх цаг ирдэг байна шүү дээ. Ёстой урьдын юм ул болж шинэ юм зул болох нь тэр. С.Эрдэнэ. Өвгөн хүн чулуу хоёр.