1. Аль нэгэн чигт урсан хөдлөх байдал, урсаж байгаа нь: урсгал тасрах (урсаж байгаа ус нэг хэсэг газраа байхгүй болох), урсгал ус (тогтуун бус урсаж байгаа ус) - Урсгалын аясыг эрэг нь дагадаг. Ж.Дашдорж. Цэцэн үгийн далай., урсгал чиглүүр (усны урсгалын чиглэлийг өөрчлөх зорилгоор барьсан барилга байгууламж) - Завхан голын урсгал чихнээ хадна. С.Лочин. Газрын дуун., голын урсгал (голын урсах хөдөлгөөн), есөн урсгал [хуучирсан] (бичиг, дуун, арга билиг, цааз, нэр, эргэхийн, хөндлөн гулд, бага сага, тариалангийн зэрэг есөн зүйл хамаарна), сайр урсгал [хоршоо] (голын хуурай усгүй голдрил), урсгал мөрөн сэрүүн боловч эргээ дагаж урсдаг, улс амьтан олон боловч ёсоо дагаж амьдардаг [зүйр цэцэн үг] (аливаа зүйл жамаа дагах гэсэн санаа), урсгал ус өмхийрдөггүй, углуурга мод хотойдоггүй [зүйр цэцэн үг] (урсгал ус цэвэрхэн байдаг; явсан хүн хождог гэх мэт санаа);

---

2. Юмны ямар нэгэн чигт хөдлөх нь: салхины урсгал (агаарын урсгал ямар нэг чигт хөдлөх хөдөлгөөн), агаарын урсгал (агаарын хэлбэлзэх хөдөлгөөн) - Агаарын урсгалын хонгилд гарсан бололтой алга байв. С.Лочин. Газрын дуун;

---

3. [шилжсэн] Цахилгааны гүйдэл: цахилгааны урсгал (цахилгааны гүйдэл);

---

4. [шилжсэн] Шаардлагагүй, аяндаа, зөндөө болох байдал: хариуцлага суларч урсгалын чанартай болох (идэвхгүй, назгай байдалд орох), урсгал сөрөх (а. Гол мөрний урсгалыг сөрж явах; б. [шилжсэн] Олны хөдөлгөөний эсрэг сөрж явах; в. [шилжсэн] Ямар нэг үзэл санааны баримтлалыг эсэргүүцэх, үл дагах), урсгал дагах (а. Гол мөрний урсгалын дагуу хөдлөх; б. [шилжсэн] Олны хөдөлгөөний дагуу; в. [шилжсэн] Тухайн байдалтай зохицох, аялдан дагах);

---

5. [шилжсэн] Олны их хөдөлгөөн, олны урсгал (олны их хөдөлгөөн) - Тэд гэр лүүгээ явцгаан олны урсгалд урсан алга болцгооно. С.Лочин. Сэтгэлийн өнгө., замын урсгал (замын тодорхой чигт хөдлөх хөдөлгөөн);

---

6. [шилжсэн] Цагийн улиран хувьсах нь: цагийн урсгал (цагийн улиран хувьсах явц) - Үүний тулд яруу найрагч бүсгүйн он цагийн урсгалыг гэтэлж уламжлагдсан шүлгүүдийг энд хавчуулан орууллаа. З.Баттулга. Уяхан Замбуутив;

---

7. [шилжсэн] Тодорхой үзэл онолыг дэвшүүлэн баримтлах бүлэг хүмүүс: зүүн урсгал (зүүн төвийн давшингуй үзэл чиглэл.