1. Ус зэрэг шингэн зүйлийн нүүн шилжих: гол урсах (гол нэг зүг рүү цутгах) - Ой мод ногоорч гол горхи жирэлзэн урсах адил. С.Эрдэнэ. Малын хөлийн тоос;

---

2. Усанд хөвөх: хөл алдан урсах (голын усанд тэнцвэрээ алдсанаас болж хөвөх) - Тэнд нүүгэлтсэн хар бараан юм урсах мэт. Ц.Уламбаяр. Зовлон жаргал;

---

3. [шилжсэн] Цаг хугацаа хурдан өнгөрөх - Улирах жилүүдийн урсах хугацаанд өсөн торнисоор... Б.Содномдорж. Түм буман хүүхэд;

---

4. [шилжсэн] Ихэд гоожих, асгарах: цус урсах (а. Цус гоожих; б. [шилжсэн] Юмыг маш их үнээр олж авах) - Сүхээ босож Монголын төлөө урсах цусаа хайрлах хүн бидний дунд байхгүй гэж би санаж байна гэв. Л.Түдэв. Алтан гадас чигийг заана., хөлс урсах (хөлс ихэд гоожих), нулимс урсах (нулимс тасралтгүй гарах, уйлах) - Эрдэнэ мориноос буун Гэрэлийг оршуулсан жалга руу ширтэн зогсоход өөрийн эрхгүй нүднээс нь нулимс урсав. Ч.Лодойдамба. Тунгалаг Тамир;

---

5. [шилжсэн] Хайлах, уусах: лаа урсах (лаа хайлах);

---

6. [шилжсэн] Ихэд халууцах: урсах шахах (ихэд халууцан хөлс гарах);

---

7. [шилжсэн] Ихэд үрэгдэх: мөнгө урсах (мөнгө их үрэгдэх);

---

8. [шилжсэн] Цахилгаан гүйдлийн хөдлөх, гүйх: цахилгаан урсах (а. Цахилгаан гүйх, ашиглах; б. Цахилгааныг үргүй зарах);

---

9. [шилжсэн] Түгдрэлгүй ярих.