1. Нэгж талбайгаас хураан авах ургамлын хэмжээ: ургац муу (нэгж талбайгаас хураан авах ургамлын хэмжээ муу), ургац хураах (ургасныг хураах) - Сэтгэл сая амарч хурааж авах ургацынхаа тооцоог гаргав. Л.Түдэв. Нүүдэл., арвин ургац (нэгж талбайгаас хураан авах ургамлын хэмжээ их), *ургацын далай (а. Тариа ногооны ургац сайтай нь; б. Ногоо ихтэй хоол) - Дэмбээ том бор аягаа барьсаар дүүрэн ногоотой шөлтэй тогоо руу өнгийж хараад –За наад ургацын далайгаасаа утгаад хийчих гэв. Ж.Бямбаа. Их аяныхан;

---

2. Өвс ногоо, ургамлын гарц - Газрын ургацыг хатаасан гангийн халуун энд болно. Б.Бааст. Алтайн хөх дөнөн., тарианы ургац (тарианы ургасан байдал), өвс ургац [хоршоо] (газрын гарц, өвс ногооны ургалт).