1. Эсрэгээр эргүүлэх, хөрвүүлэх: албан тушаалаа урвуулан ашиглах (эрх мэдлээ буруу зүйлд ашиглах), урвуулах хөрвүүлэх [хоршоо] (юмыг орвонгоор нь өөрчлөх, огт өөр болгох) - Эзэн хааны ордон харшийг ингэж урвуулан хөрвүүлэх гэж. Б.Өлзийсүрэн. Замын хүзүү., газрын хөрсийг урвуулах (газрын хөрсийг эргүүлэх), *алга урвуулахын төдий (а. Маш амархан; б. Агшин зуур) - Тан шиг буян хишиг төгөлдөр, эрдэм чадалтай хүн дээдэст гавьяа мэдүүлбэл бэйс, гүн зэрэг хүртэх нь алга урвуулахын төдий хэрэг бус уу гээд сойвон тайжийг нүднийхээ булангаар ажиглан харав. Ч.Лодойдамба. Тунгалаг Тамир;

---

2. [шилжсэн] Сэтгэлийг нь эргүүлэх, өөртөө татах: айлын хүүхэд урвуулах (айлын хүүхдийн сэтгэлийг нь эргүүлж өөрийн хүүхэд болгон авах).