Газрын чийг дээш дэгдэж, утааны адил хөөрөн тархах нь: ногооны униар (газрын чийг дээш хөөрөн өвс ногоотой нийлсэн байдал) - Холын уулс хөх ногооны униарт цэнхэртэнэ. Ш.Нацагдорж. Мандхай цэцэн хатан., хөх униар (алсад агаарын хөхрөн харагдах байдал) - Алсад хөх униар тодорч харагдана. Ч.Алагсай. Алтайн зам., хөх униар татах (алсаас харахад өвс ногоо зэрэглээнд уусан хөхрөн харагдах), хөхөмдөг униар (бага зэрэг хөх туяа татсан униар) - Айлын тооноор гарсан утаа хүртэл энэ хөхөмдөг униараас үл ялгарах ажээ. Ч.Лодойдамба. Тунгалаг Тамир., утаа униар [хоршоо] (юм шатахад гарах нүүрсний нарийн ширхэг бүхий хөөрөх зүйл болон газрын чийгт уур дэгдэх), униар будан [хоршоо] (газрын чийг дээш хөөрөх үед гарах манан) - Наран уулнаа шингэх униар будан мөрнөө дүүрээд ирэв. В.Инжаннаши. Улаанаа ухилах тэнхим., униар манан [хоршоо] (униар будан) - Ваар тоосго нэгэн хувь, чулуу төмөр таван хувь, шавар элс хамаг арван хувь, мод эсгий бөс торгыг хэрэглэснээр өөр нэгэн зүйлийн гайхамшигт униар манан бүрхжээ. В.Инжаннаши Хөх судар.