1. Дээрээс доош дүүжлэгдэн санжин байх - Гуулин хонхнууд тоо томшгүй олноор унжина. Л.Түдэв. Алтан гадас чигийг заана., өрхний оосор унжих (өрхний оосор гэр дээрээс унан санжсан байх), унжин санжин [хоршоо] (энд тэндгүй унжсан байдал) - Гянданд ялзарсан тамтаг болсон дээлийн цоорхойгоор хонгоны нь мах унжин санжин хөлөө чирэн өнгөрөв. Б.Ринчен. Гүнж., унжих санжих [хоршоо] (урагдах, ханзрах, хугарах зэргээр эвдэрсэн зүйлийн дүүжлэгдэн байх);

---

2. Хүний бие эрхтэн сунаж сулрах: зовхи унжих (зовхины булчин суларч доош болох) - Нүдний доод зовхи нь шалхайн унжжээ. Л.Түдэв. Алтан гадас чигийг заана., хацар унжих (а. Хацар нь томорч доош болох; б. [шилжсэн] Урвайх, урамгүй болох);

---

3. Адил тэгш байвал зохих зүйл нэгнээсээ илүү гарах: дээлийн ташаа унжих (дээлийн ташаа зөрүүлэг хормойноос доош илүү гарах);

---

4. [шилжсэн] Гуйлгах, тунирхах, үнэрхэх: *луу унжих (луун сүүл унжих) - Тэр чинь хэлгүйгээс биш, хэлтэй танаас дээр хүн шүү. Адаглаад л худлаа хэлж луу унжихгүй гэж тас тас хөхрөн нүүрээ дарна. С.Дашдооров. Ногоон дэрсний хөх үнэр., *луун сүүл унжих (а. Дуу цахилгаантай бороо орох; б. Өгөх зүйлээ бүтэн өгөхгүй луйвардах, амласандаа хүрэхгүй цааргалах) - Түүний дээрээс тэрэгчээр гэрийн мод хийлгэснийхээ хөлсөнд оролцуулж өгөх сувай хонио Соном өрөнд ороогоо гаргаж луун сүүл унжин өгөөгүй дээрээс тэдний харилцаа муудсан цаг байжээ. Ш.Гаадамба. Тэрэгчийн хүү.