1. Юмны доош унжсан байдал: унжгар цэцэг (доош унжсан цэцэг) - Тэрхүү цэцгийн толгой нь унжгар ажээ. Б.Бааст. Хяруу унасан цагаар., унжгар санжгар [хоршоо] (юмны доош унжин дүүжлэгдэх байдал), унжгар эвэр ухархай руу [зүйр цэцэн үг] (муу санаа эзнээ отох гэсэн санаа);

---

2. [шилжсэн] Дорой, нунж, царай зүс муу, тэнхээ тамир муу: унжгар биетэй (бие султай), унжгар царайтай (зүс царай муу, цог золбоогүй) - Батмөнхийн хажууд аюулгүйн техникийн байцаагч унжгар шар хүн сууна. С.Лочин. Сэтгэлийн өнгө., унжгар хайтан цэцэг [ургамал] (интоорын адил унжиж цэцэглэх бөгөөд цэцгийн иш нарийн урт, нэг зүйл цэцэг), унжгар уд [ургамал] (салаа мөчир доош унжиж ургасан нэг зүйл бургас).