1. Тогтоол болон урсгал усанд орох, сэлэх, шумбах: усанд умбах (усанд сэлэх) - Түүнийг онгоцонд хүргэхийн тулд далайн усан дундуур умбаж явдаг гэнэ. С.Эрдэнэ. Хонгор зул;
2. [шилжсэн] Элбэг идээ ундаа, торго дурданг дураар хэрэглэх:
торгонд умбах (торгыг зүйл бүрээр нь хэрэглэх, торгоор элбэг байх),
тосонд умбах (өөх тос, идэх зүйлээр элбэг байх),
*алтанд умбах (бүх зүйлээр элбэг дэлбэг байх);
алтанд умбаад аавыгаа мартах [зүйр цэцэн үг] (жаргалдаа ташуурах гэсэн санаа);
3. [шилжсэн] Эзлэх, автах:
нам гүмд умбах (нам гүм болох, нам гүм байдал ноёрхох) -
Орос охид зулзаган хус шигээ торойн зогсож, хайртаа хүлээдэг байсан энэ орчин үүрд нам гүмд умбажээ. Ч.Алагсай. Алтайн замд.