1. Чоно, нохой зэрэг амьтны уртаар гингэнэн дуугарах: нохой улих (нохойны гингэнэн дуугарах) - Тэртээ алсад өлөн догшин араатан улих чимээ сонсогдов. Б.Нямаа. Арандалынхан., улин хуцах нохойн аюул, уйлан хэлэх эхнэрийн аюул [зүйр цэцэн үг] (эмэгтэй хүний эрх танхи хэтэрвэл хэцүү гэсэн санаа);

---

2. Салхи дуу гарган салхилах; салхи улих (хүйтэн салхи салхилан дуугарах) - Гадаа хаврын хар салхи улиад нэг л зэвүүн. С.Эрдэнэ. Миний эх орон миний тоонот;

---

3. Сум зэргийн агаарт исгэрэх дуу гарах: сум улих (сум агаар зүсэн исгэрэн дуугарах) - Сум энд тэндгүй улин исгэрч шороо пур пур хийн маналзана. Г.Дүйнхэржав. Арилшгүй мөр;

---

4. [шилжсэн] Улиглах: үгээр улих (дэмий донгосох, дэмий хэрэггүй үгээр булах).