1. Цаг хугацаа өнгөрөх: өдөр хоног улирах (өдөр хоног өнгөрөх) - Улирах хоног одон одсоор, уяхан чиний минь нас ахисаар. Д.Сосорбарам. Сэтгэлийн үг., цаг улирах (цаг хугацаа өнгөрөх), улирсан баларсан [хоршоо] (үеэ өнгөрөөсөн, мартагдсан), улирсан завхарсан [хоршоо] (үеэ өнгөрөөсөн, хэрэггүй);
2. Юмсын аажмаар хувьсан өөрчлөгдөх:
улиран хувьсах (аливаа юм урт удаан хугацаанд хувьсан өөрчлөгдөх),
үе улирах (тухайн юмны шинж чанар үе залгамжлан ирэх),
улирах од (хувирдаг од);
3. Эд хөрөнгө, хэргэм зэргийг уламжлах -
Өвгөн бүргэд шувуу үе улиран үүрлэсэн. Д.Цэвэгмид. Зохиолын түүвэр., үе улиран эзэмших (ямар нэг юм ба газар нутгийг үе залгамжлан эзэмших);
4. Хийж байсан хугацаат ажил үйлийг хугацаа сунган хийх:
улиран сонгогдох (хийж байсан сонгуульт ажлаа ахин хийх) -
Сүндэв бол тав, зургаан жилийн өмнө цэргээс халагдаж ирсэн бичиг үсэг мэддэг, албандаа зүтгэлтэй тул багийн даргаар хэдэн удаа улиран сонгогджээ. Н.Надмид. Хүлээс алдарсан нь., улирсан албан хаагч (хуульд заасан хугацаанаас илүү хугацаагаар цэргийн алба хааж байгаа түрүүч ба ахлагч),
анги улирах (анги дэвшихгүй хуучин ангидаа ахин суралцах).