1. Адил, ижил - Зун отроор таргалуулж намар мал маханд гуравны нэг хувьтай тэнцүү илүү жинтэйгээр тушаах өндөр үүрэг авлаа. С.Эрдэнэ. Ихэр толгодын дунд., тэнцүү тоотой (ижил тоотой, адил тоотой), тэнцүү хуваах (ижил хэмжээтэй хуваах), тэнцүү хэмжээтэй (адил хэмжээтэй), тэнцүү талт гурвалжин (адил талт гурвалжин), их бага нь тэнцүү (их бага нь адил, яг адилхан байх), хүнд хөнгөн нь тэнцүү (хүнд хөнгөн нь ижил, адил), тэнцүүгийн тэмдэг (харилцан тэнцүү болох холбогдлыг илэрхийлдэг тэмдэг), тэн тэнцүү [хоршоо] (ижил тэнцүү, яг адил), эн тэнцүү [хоршоо] (яг чацуу, яг адил), *мах шөл тэнцүү (тарган нь биш туранхай ч биш, бие бялдар тэгш) - Цэргийн хүний өндөр сайхан нуруутай, мах шөл тэнцүүхэн тэр залуу цэрэг өмд цамц погонгүйгээр өмсөж, гялалзтал тосолсон гутлын түрий чилийтэл татжээ. Д.Гармаа. Цагаан булаг;
--oOo--