Тэмцэх үйлийн нэр, тэмцэх явдал - Тэгээд олон жилийн тэмцлээр өөрсдийнхөө засаг төрөө тогтоосон гэж сонсож, би ухаарсан. Т.Дэчингунгаа. Өөдрөг зам., тэмцэл хийх (хүч чадлаа үзэн тулалдах, өрсөлдөх, сөргөлдөх), тэмцэл явуулах (тэмцэл хийх), тэмцэл хариулах (а. Цохилтод хариу өгөх; б. [хуучирсан] Маргалдагч, сөргөлдөгчдөөсөө татгалзах), тэмцлийн шүтээн (тэмцлийн зорилго), тэмцлийн ухаан (а. Тэмцэл явуулах арга ухаан; б. Байлдах арга ухаан, байлдах урлаг), амьдралын төлөө тэмцэл (аж төрөхөөр чармайн зүтгэх), олон түмний тэмцэл (олон түмний эсэргүүцэл, үзэл бодлоо илэрхийлсэн бослого хөдөлгөөн), үзэл суртлын тэмцэл (үзэл суртлын номлол, өрсөлдөөн), зэвсэгт тэмцэл (зэвсэг ашиглах тэмцэл), сонгуулийн өмнөх тэмцэл (сонгуулийн өмнөх өрсөлдөөн), ширүүн тэмцэл (хүчтэй тэмцэл), атаа тэмцэл [хоршоо] (бусдын давуу байдалд мөчөөрхсөн өрсөлдөөн), тэмцэл хөдөлгөөн [хоршоо] (ямар нэг үзэл бодол, үйл хэргийн төлөө нийгмийн тодорхой санал зорилго бүхий хүмүүс хамтран зүтгэх нь), байлдаан тэмцэл [хоршоо] (амь өрссөн зэвсэгт тулаан), мөргөлдөөн тэмцэл [хоршоо] (сөргөлдөөн, эмх замбараагүй байдал), хэрүүл тэмцэл [хоршоо] (маргалдаан, үймээн шуугиан), хямрал тэмцэл [хоршоо] (харилцан ойлголцохгүй зөрчилдөн тэмцэх явдал, зөрчилдөөн), эвдрэл тэмцэл [хоршоо] (улс орон, хүн зон эв найрамдалгүй болж хагаран бутарсан байдал), тэмцэл довтлол [хоршоо] (зорилгодоо хүрэхээр тууштай давших нь), тэмцэл зөрөлдөөн [хоршоо] (үл ойлголцсон байдал, сөргөлдөөн), тэмцэл самуурал [хоршоо] (эмх замбараагүй байдал, эх толгойгүй байдал, дайн дажинтай улс төрийн тогтворгүй байдал), тэмцэл самуун [хоршоо] (а. Сөргөлдөөн, зөрчил; б. Дайн дажин) - Алан сарниулах хэрэгтэй тэмцэл самууны энэ цагт. Замлин Сэнчиний намтар оршив., зарга тэмцэл [хоршоо] (ямар нэг үйл хэргийн төлөө заргалдан тэмцэх нь), зөрчил тэмцэл [хоршоо] (үзэл бодол, үйл хэргээ хамгаалан тэмцэх явдал), тэмцэл дотроос баатар төрөх, тэнэг дотроос цэцэн гарах [зүйр цэцэн үг] (тэмцэж байж ялалт байгуулдаг гэсэн санаа).