1. Уяатай, хориотой амьтан сулрахаар зүтгэх - Тэдний хамгийн наад үзүүрт урд хөлөөрөө газар цавчлан тэмүүлж буй алаг унаганы ногтны гогцооноос барьж чагтыг мултлав. Д.Цэдэв. Айргийн амт;

---

2. Морь малын жигд хурдлан давхих;

---

3. [шилжсэн] Ямар нэг зүйл, үйл явдалд хүсэн дурлаж, тогтож ядан зүтгэх - Тийм сайхан ажил эхэлж байхад заавал ч үгүй хот руу тэмүүлэх алба ч үгүй болоод явчихлаа л даа. Ч.Чимид. Хавар намар., багш болох гэж тэмүүлэх (багш болохыг эрмэлзэх), сургуульд орох гэж тэмүүлэх (сургуульд орох гэж туйлаас хүсэх), хөдөө тийш тэмүүлэх (хөдөө тийш явахыг ихэд хүсэх), цэрэгт явах гэж тэмүүлэх (цэрэгт явахыг ихэд хүсэх), урагш тэмүүлэх (а. Биеэ урагш болгохоор зүтгэх; б. [шилжсэн] Ажил хэрэгтээ амжилт олохыг, ахиж дэвжихийг эрмэлзэх), тэмүүлэн давхих (адуу мал урагш зүтгэн давхих), хүсэх тэмүүлэх [хоршоо] (ямар нэг зүйлд дурлан автах, хийж бүтээхийг эрмэлзэх) - Хулангийн гоо үзэсгэлэн, залуу нас, сайхан юманд хүсэн тэмүүлэх сэтгэл нь тэр эрээн авдруудад үүрд цоожлогдсон мэт санагдлаа. С.Эрдэнэ. Хулан Цамба хоёр.