1. Тэмдэг бүхий - Иргэдийн өрийг өгүүл гэж занги Сандав нарт тэмдэгт бичиг тушаав. Ардын заргын бичиг., тэмдэгт дохио (тусгай тэмдэг бүхий дохио);

---

2. Тэмдэгтэй: тэмдэгт газар (тэмдэг тавьсан газар), тэмдэгт мод (тэмдэг тавьсан мод), тэмдэгт хөшөө (өөрөө босгосон хөшөө), тэмдэгт шошго [хуучирсан] (зарлаж тушаахад хэрэглэх пайз), гэрээс гарсны тэмдэгт бичиг [хуучирсан] (хүрээ хийдээс гарсны баримт), улаа унах тэмдэгт бичиг [хуучирсан] (улаа хэрэглэж болно гэсэн батламж бичиг), тэмдэгт газар (тэмдэг тавьсан газар), тэмдэгт дээл [хуучирсан] (цэргийн дүрэмт дээл), тэмдэгт хавтгай мод (модон пайз, модон хаяг), тэмдэгт хөшөө чулуу (дурсгалын хавтан, хавтгай чулуу), тэмдэгт шошго (бүртгэл);

---

3. Улсын цаасан мөнгө, зоос: мөнгөн тэмдэгт (гүйлгээнд оруулахаар улсын банкнаас батлан гаргасан үнэт цаас), улсын тэмдэгт (тусгай зориулалт бүхий улсын тэмдэг бүхий зүйл), шуудангийн тэмдэгт (шуудангийн таних тэмдэг, марк);

---

4. Гааль татвар, худалдаанд тусгайлан олгосон баримт бичиг: тэмдэгт бичиг (гэрч болгож тамга тэмдэг дарах буюу гарын үсэг зурж олгосон баримт бичиг буюу үнэмлэх), тэмдэгтийн татвар (барааны үнэ нэмж хонжих татвар), тэмдэгтийн хураамж (зарим төрлийн гэрээ хэлцэл байгуулах болон баримт бичгийг бүртгэхэд улсад төлдөг хураамж), гаалийн тэмдэгт (гаалийн бичиг), худалдааны тэмдэгт (худалдааны бичиг).