1. Юманд тэмдэг хийх, тавих: мал тэмдэглэх (өөр айлын малаас ялгахын тулд малдаа тэмдэг тавих), эд хогшил тэмдэглэх (эд хогшил бүртгэн тэмдэглэгээ хийх);

---

2. Юмыг данс бүртгэл, ном зохиолд бичих, дурдах - Хэзээ хаана сонсоно гэж гунигласаар орж тэмдэглэв. Д.Нацагдорж. Нэгэн сэтгэлийг бөмбөрүүлсэн үе., дансанд тэмдэглэх (дансанд бичих), номд тэмдэглэх (ном зохиолд дурдах), цагийн бүртгэлд тэмдэглэх (ирсэн явсан цагийг нь бүртгэн бичих), бүртгэн тэмдэглэх (байвал зохих зүйл тоо ёсоороо байгаа эсэхийг шалган бичиж авах), буруушаан тэмдэглэх (буруу өгөн бичих), заан тэмдэглэх (нэр цохон бичих), сийлбэрлэн тэмдэглэх (сийлбэр хийн бичих), тусгайлан тэмдэглэх (тусад нь онцгойлон бичих), харлуулан тэмдэглэх (эргэн харахад содон болгож ном зохиолын дотор хараар тэмдэг тавих), ялган тэмдэглэх (онцгойлон тэмдэг тавих), тэмдэглэсэн бичиг (тэмдэглэл хийсэн бичиг), бичих тэмдэглэх [хоршоо] (бичих, дурдах);

---

3. Хувцас, эдлэлийг хийх урлахад хэмжээг тодорхойлон зурах, хатгах;

---

4. Ямар нэг баярт, түүхт ой, үйл явдлыг онцгойлон хүндэтгэж өнгөрүүлэх - Түүний төрсний далан жилийн ойг тэмдэглэж байгаа баярын үеэр дурсан бодоход маш бахдалтай байна. Д.Гонгор нар. Д.Сүхбаатарын тухай дуртгалууд., ахмадын өдрийг тэмдэглэх (ахмадын өдрийг баяр ёслол болгон өнгөрүүлэх), ардын хувьсгалын ойг тэмдэглэх (ардын хувьсгалын ойг баярлан өнгөрүүлэх), үндсэн хуулийн өдрийг тэмдэглэх (үндсэн хуулийн өдрийг ёслон өнгөрөөх), төрсөн өдрийг тэмдэглэх (төрсөн өдрөө баяр болгон өнгөрөөх).