1. Хүн, амьтны идэш уушны зүйлээс биед шингэж байгаа шимт зүйл - Малын сүүг бусад амьтанд уулгавал тэжээл болно за, маш хорт могойд уулгавал хор нь ихэдье үү. Субашид., шим тэжээл [хоршоо] (шим шүүс, бие организмд шаардлагатай элдэв бодис, амин дэм) - Хадсан өвсийг богино хугацаанд хатааж, шим тэжээл нь алдагдаагүй байхад ногооноор нь хурааж авахыг чухалчлах хэрэгтэй. Ж.Самбуу. Мал маллагааны арга туршлага;

---

2. Хүн, малын идэшний зүйл - Говьчууд төлийн нарийн тэжээл болгож хомоол, сондуул, хивэг, гоёо, овьёосоор олон зүйл зоодой хийдэг болжээ. Б.Бааст. Алтайн хөх дөнөн., тэжээл бэлтгэх (шимт чанараар харилцан адилгүй төрөл бүрийн тэжээлийг тогтоосон жор найрлагаар бэлтгэх), тэжээл өгөх (идэш хоол өгөх), тэжээл муутай (а. Идэш хоол муутай; б. Биед хэрэгтэй шимт бодис муутай), тэжээл сайтай (а. Идэш хоол сайтай; б. Биед хэрэгтэй шимт бодис ихтэй), тэжээл түгээгүүр (төрөл бүрийн тэжээлийг мал тэжээх онгоцонд тодорхой орцоор жигд тунлан тавих төхөөрөмж), тэжээлийн ангилал (тэжээлийг гадна байдал, физик шинж чанар, шим тэжээлийн бодисын хуримтлал зэрэг шинж чанараар нь бүлэглэх), тэжээлийн бааз (тэжээл бэлтгэж, агуулах газар), тэжээлийн манжин (мал, амьтан тэжээх нэг зүйл манжин), тэжээлийн шимт чанар (ургамал, амьтны гаралтай төрөл бүрийн тэжээлийн найрлагад байгаа бодис, мал амьтны махбодын хэрэгцээ шаардлагыг хангах чанарын үзүүлэлт), амин тэжээл (эрүүл саруул, эсэн мэнд явахад чухал хэрэгцээтэй хүнс, бодис), малын тэжээл (малд өгч тэжээж болох зүйлүүд), өвсөн тэжээл (өвс), сүүн тэжээл (сүүгээр хийсэн тэжээл), идэш тэжээл [хоршоо] (мал амьтныг тэжээхээр бэлдсэн зүйл), хүнс тэжээл [хоршоо] (хүн, амьтны хэрэглэх хоол ундны зүйл), тэжээл бордоо [хоршоо] (мал амьтан, ургамлыг тордох тусгай бэлдмэл), өвс тэжээл [хоршоо] (мал тэжээхээр бэлдсэн ургамал ногоо, тариа будаа зэрэг), тэжээл муутай мал хомхой, тэсвэр муутай хүн завхай [зүйр цэцэн үг] (тэсвэр муутай хүний явдал муу гэсэн санаа);

---

3. [шилжсэн] Янз бүрийн техник хэрэгслийн ажиллуулах зай.