Чингэх, ингэх, тийм юм хийх - Тэгэх юм бол цагаантныг хэн энэ нутгаас зайлуулах юм бэ? Л.Түдэв. Уулын үер., тэгэх аваас (тийм болбоос), тэгэх авч (тийм боловч), тэгэх дургүй (тийм зүйл хийх дургүй), тэгж бодох (тийм гэж бодох), тэгж санах (тийм гэж санах), тэгж хийх (тийм байдлаар хийх), тэгэхээс тэгэх гэсэн юм шиг (зориуд, хүний янз үзэх гэсэн юм шиг) - Мартах хэрэгтэй гэж сэтгэлдээ ятган нүдээ тас анихад бүр тэгэхээс тэгэх гэсэн юм шиг түүний дүр тодрон үзэгдэж “хоол хоол” гэж байсан нь чихэнд сонсогдоно. Д.Намдаг. Цаг төрийн үймээн., тэгж байтал юу ч айсуй, тэнэглэж байтал тэх ч айсуй [зүйр цэцэн үг] (а. Уймрах, сэтгэл санаа үймрэх; б. Юм хийсэн ч юм шиг хийгээгүй ч юм шиг үр бүтээлгүй суух гэсэн санаа), тэгж үхсэнд орвол тээглэж үхсэн нь дээр [зүйр цэцэн үг] (яасан ч хийхгүй, зөвшөөрөхгүй гэсэн санаа), тэгсэн хүн чадах, тэмцсэн хүн ялах [зүйр цэцэн үг] (тууштай тэмцэл ялалтад хүрнэ гэсэн санаа), тэгэр тэгэр алхсан морь тэр газраа хүрдэггүй, тэгнэ тэгнэ гэсэн хүн тэр үгэндээ хүрдэггүй [зүйр цэцэн үг] (худалч хүний нээрэн олон гэсэн санаа).