1. Тарсан зүйлийг энд тэндээс цуглуулж хураан авах, түүвэрлэх: түүж бичих (энд тэндээс цуглуулж бичих), аргал түүх (аргал цуглуулах) - Түүнээс хойш хурга хариулах, аргал түүх, ус барих ажил мундахгүй их болж нүцгэн гүйсээр байгаад хөл нь саарьтаж булигаар гутал шиг болжээ. Л.Түдэв. Нүүдэл., түүх цуглуулах [хоршоо] (энд тэнд байгаа зүйлийг түүвэрлэн авах), *зангууны ноос түүж эсгий хийх ~ харганы ноос түүж эсгий хийх (огт бүтэхгүй буюу маш бэрх зүйлийг сэдэх) - Тэгж явах унаа уналга, бензин тос хаа байна, надад бол зангууны ноос түүж эсгий хийнэ гэгч байх аа. Ж.Пүрэв. Маргаан;

---

2. Жимс, самар зэргийг иш, мөчрөөс нь салгаж цуглуулах: жимс түүх (жимс хураан цуглуулах), мөөг түүх (мөөг цуглуулах);

---

3. Сонгон ялгаж авах;

---

4. [шилжсэн] Арилгах, цэвэрлэх - Туулайн мах ядаргаанд сайн. Эцэнхий ядарсан тэмээнд өдөржин шалз чанаад, ясыг нь түүгээд өгөхөд тэмээ босоод л байдаг юм. Б.Бааст. Алтайн хөх дөнөн., хялгасыг нь түүх (дээл хувцас, ноос ноолуур зэргийг хялгаснаас нь салгаж цэвэрлэх).