1. Араас нь түлхэх - Газрын уруу яваа жингийн нь цуваа бие биеэ түрэн чихцэлдэж санаа сэтгэлийг үймүүлсэн бөгөөд түүнийг ширтэн “ха хөөг” гэж хашхирахаас өөр аргагүй болов. Д.Намдаг. Цаг төрийн үймээн., түрж гарах (түлхэн гарах, шахаж гарах), түрэн ирэх (хаман ирэх, шахан ирэх), түрэн оруулах (шахан оруулах), ав түрэх (агнах ангаа үргээж анчиндаа шахаж өгөх), тэрэг түрэх (тэрэгний араас түлхэх), түрэх түлхэх [хоршоо] (а. Юмны араас шахах түлхэх; б. [шилжсэн] Хэрэг явдлыг өөрөөсөө зайлуулах);

---

2. Түрэмгийлэх, өдөх: түрэн эзлэх (довтлон эзлэх, дайран эзлэх), биеэрээ түрэх (а. Биеэрээ түлхэх; б. Дээрэнгүйлэх), тохойгоороо түрэх (тохойгоороо түрэн дээрэлхэх), хүч түрэх (хүчээр түрэмгийлэх), түрэх түрэмгийлэх [хоршоо] (зүй бусаар хүч хэрэглэн халдах, дайрах), *чээж түрэх (хүч чадалдаа эрэмшин бардамнах, онгирох, сагсуурах).