1. Хэсэг зуур: түр байзнах (хэсэг зуур байзнах), түр суух (хэсэгхэн хугацаанд суух), түр хүлээх (хэсэг хүлээх), түр цагийн манаа (хэсэг хугацааны дараа солигдох манаа), түр чөлөө (хэсэг хугацааны чөлөө), түр чөлөөлөх (хэсэг зуур чөлөөлөх), түр ажил хийх (орон тооны бус, цагаар ажиллах юм уу тодорхой хугацаанд ажиллах), түр амсхийх (хэсэгхэн амрах), түр зогсох (хэсэгхэн зогсох), түр дайчлах (хэсэг хугацаанд дайчлан татах), түр зуур [хоршоо] (хэсэгхэн хугацаанд, хэсэгхэн даруй);

---

2. Байнгын бус: түр засгийн газар (засгийн эрхийг хэсэг зуур мэдэх) - Энэ бол Ар Хиагтад байгуулагдаж байгаа ардын түр засгийн газрын шийдвэр бөгөөд цэргийн хүмүүст хэрэглэгдэх дээл юм шүү. Ж.Дамдин. Үймээний жил., түр хоргодох байр (хэсэг хугацаанд толгой хоргодох байр), түр сургалт (мэргэжлийн сургалтын үйл ажиллагааны шаардлага хангасан богино хугацаанд боловсрол олгох үйл ажиллагаа), түр сургууль (богино хугацаанд явуулах хичээл хүмүүжлийн ажил), түр цэрэг (богино хугацаагаар алба хаших, байнгын бус цэрэг).