Санамсар болгоомжгүй болон осол эндэгдлээс болж үүсэх ихээхэн хэмжээний гал: түймэр алдах (ослоор ихээхэн гал гарч унтрааж чадахгүй болох), түймэр гарах (их хэмжээний гал гарах), түймэр цохих (түймрийн галыг унтраах гэж юмаар цохих, дэлдэх), түймэр тавих (санаатайгаар их хэмжээний гал гаргах, дэгжээх), түймэр цуравдах (гарсан түймрийн эсрэг гал асаах), түймрийн уулга (түймрийн гол хүчин), түймрийн дохио (түймэр гарсныг илрүүлж, гарсан газрыг мэдээлдэг иж бүрэн дохиоллын хэрэгсэл), түймрийн техник (түймрийг унтрааж байгалийн баялаг, эд материалыг хамгаалж, хүний амь авардаг техник хэрэгсэл), түймрийн утаа (түймрээс гарах утаа), түймрийн цараа (түймрээс хамгаалж, урьдчилан шатаасан болон хагалбарласан газар), түймрийн цурав (түймэрт шатаж харласан газар, цурам), түймрийн цурам (түймрийн цурав), түймрээс хамгаалах завсар (түймрийн эсрэг зурвас), түймэрт автагдах (түймэрт ихээр өртөх), түймэрт идэгдэх (түймэрт автах), түймрийн аюулаас хамгаалах (түймэр гаргахгүй байх янз бүрийн арга хэмжээ авах), түймрээс хамгаалах нөөц (зөвхөн түймэр унтраах зориулалтаар ус хадгалах ганд байнга хадгалж байх ус), гал түймэр [хоршоо] (их хэмжээний гал), урагш муутыг усан дотроос түймэр идэх [зүйр цэцэн үг] (унхиагүй хүн хаана ч байсан бүтэлгүйдэг гэсэн санаа), түймэрт хормойгоо шатаагаагүй, төрд нүүрээ бараагүй [зүйр цэцэн үг] (нэр төр сайтай гэсэн санаа).