1. Айн цочиж зүрх булгилж сандрах, сэтгэл санаа ихэд зовох, шаналах: зүрх түгших (зүрх хүчтэй цохилох, сандрах, айх) - Алд биеийг дүүргэж, ариун шингэн цусны гүйдэл, алаг зүрхний түгшихээр хурдлавч холын бараа зэрэглээтнэ. Д.Нацагдорж. Хүн хэдэн удаа үхэж болох вэ?., дотроо түгших (ямар нэг зүйлд санаа зовон дотроо шаналах, тавгүйрхэх), сэтгэл түгших (сэтгэл тавгүйрхэх ямар нэгэн зүйлд зовох, шаналах) - Бас юу гээч нь ирж байгаа юм бол доо? гэж сэтгэл түгшиж зүрх оволзлоо. Ж.Дамдин. Үймээний жил;

---

2. Морь малыг цатгалан үед нь ихэд давхиулснаас цавины тус газар дэлсэх: морь түгших (морь ихэд эцэн амьсгаадах).