Түгших үйлийн нэр, түгшүүр: түгшил аюул ~ аюул түгшил [хоршоо] (осол аюул, гамшиг зовлон, хор хөнөөл) - Түгшил аюултай газарт хориглолыг алдаж эзнийг оруулаад, эзний биеийг түгшүүртэй болговоос тэр хүнийг наян манцуурга занчина. В.Инжаннаши. Хөх судар., түгшилд түдэж айвал, түшмэл үл болно [зүйр цэцэн үг] (бэрхшээлийг давахгүйгээр зорилгодоо хүрч үл чадна гэсэн санаа), түгшлийг тэсвэрлэж өнгөрөөвөл, төвшин амгалан ирдэг [зүйр цэцэн үг] (зовлонг даван туулбал, сайхан цаг заавал ирдэг гэсэн санаа).