1. Аялах үйлийн нэр, аян, жуулчлал - Олон жилийн өмнө эрдэмтэн Владимирцов монгол нутагт аялал хийжээ. Л.Түдэв. Улаан долгион., аяллын зам (аяны зам; жуулчлалын зам), аялал жуулчлал [хоршоо] (тодорхой хугацаагаар амралт, сувилал, танин мэдэхүйн зорилгоор болон шашин шүтлэг, ажил мэргэжлийн шугамаар оршин сууж буй газраасаа өөр газарт хийх аялал), аялал жуулчлалын байгууллага (аялал жуулчлалын тусгай үйлчилгээг зохион байгуулж буй хуулийн этгээд), аялал жуулчлалын бүс нутаг (аялал жуулчлал хөгжүүлэхэд тохиромжтой байгаль, түүх, соёлын нөөц бүхий газар нутаг), аялал жуулчлалын бүтээгдэхүүн (жуулчдын сонирхлыг татах, тэдний аялах тав тухтай нөхцөлийг хангасан аялал жуулчлалын байгууллагаас зохион байгуулж байгаа төлбөрт үйлчилгээ);

---

2. Түүх дурсгалын газар, байгалийн сайхан, музей, үзэсгэлэн зэрэгтэй танилцах, сонирхох, мэдэх зорилгоор спорт амралтыг хослуулан явах зугаалга - Эсвэл амралтынхаа хугацаанд явган аялал хийнэ. Л.Дашням. Нялх ногоо., дугуйн аялал (унадаг дугуйгаар зугаалах), тойрон аялал  (тухайн газар орныг танин мэдэх зорилготой аялал);

---

3. Цэргийн шилжих хөдөлгөөн, аян - Ер нь байлдааны үед хол ойрын аялал, том жижиг тулалдаан их болдог юм. Т.Дэчингунгаа. Өөдрөг зам.