1. Юм эмжих, хөвөөлөх, чимэглэхэд хэрэглэх тусгай нарийн зурвас чимэглэлийн эд - Саран, цүнхээ нээж, торгон туузаар ороосон гоё хайрцагтай чихэр гаргаж хүүдээ сарвайв. С.Эрдэнэ. Хонгор зул., туузаар эмжих (гоёмсог өнгийн нарийн зурвас эдээр хөвөөлөх), туузан хөшиг (нарийн зурвас эдүүдийг эгнүүлэн үйлдсэн хөшиг), үсний тууз (охидын үсээ чимэглэн боох, олон өнгийн нарийн зурвас эд) - Толгой дээрээ том улаан тууз цэцэглэн уясан дөрөв тав орчим насны охин ажээ. Л.Дашням. Бурхантын цэцэг;

---

2. Ёслолд хэрэглэх тусгай нарийн зурвас торго, дурдан мэт зүйл: торгон тууз (торгоор хийсэн тууз), тууз хайчлах (а. Нарийн зурвас эдийг хайчлах, огтлох; б. Шинэ барилга байгууламжийг ашиглалтад оруулахад гоёмсог өнгийн нарийн зурвас эдийг хайчилж ёслол хийх), туузан хорхой [амьтан] (хүн, амьтны гэдэс, дотор эрхтэнд шимэгчилж өвчин үүсгэх нарийн, урт хорхой, хавтгай хорхойн ангид хамаарна), туузан наанги (эх газрын хур цас мөс, мөсөн голын адагт байдаг нуурын нимгэн үе давхарга бүхий элсэнцэр наанги хурдас);

---

3. Сумны дайз - Бид ч галаа улам ширүүсгэж, тууз тууз дүүрэн сумаа дайсны өмнөөс хоосон бус шиднэ. Т.Дэчингунгаа. Өөдрөг зам.