Ая, дэм, нэмэр, ашиг, ач: тус болох (дэм болох, нэмэр болох) - Энэ маань хонийг аврах хэрэгт их тус болов. Ц.Дамдинсүрэн. Түүвэр зохиол., тус үзүүлэх (а. Дэмнэх, нэмэр болох, дэмжих; б. Үр ашиг өгөх), тус сахих (дундыг баримтлах, төвийг сахих), тус сахих газар [хуучирсан] (хариуцсан харуулын байр), тус сахих цэрэг (хилийн харуул), тусад орох (хүүхэд, ойр зуурын ажил хийж сурах), нийтийн тусыг хичээх (нийтийн эрх ашгийг илүү эрхэмлэх), нийтийн тусын тулд (нийтийн төлөө, нийтэд зориулан), хувийн ашиг тусыг хамгаалах (зөвхөн өөрийн хар амиа бодох), ач тус [хоршоо] (тус нэмэр) - Сайхан цаг ирсэнд сэтгэл баясан ардын засаг л ач тусаа үзүүлнэ гэж нотод итгэх болжээ. С.Дашдэндэв. Улаан наран., ашиг тус [хоршоо] (а. Ашиг орлого; б. Эрх ашиг) - Гагцхүү өөрсдийн ашиг тусаа хэрхэн хамгаалахыг бодож байна. Д.Нацагдорж. Монгол ардын суут., ашиг тусаа өгөх (нэмэр болох, орлого оруулах), тус дөхөм [хоршоо] (нэмэр хандив, дэмжлэг) - Нэг сайхан монгол найраглал болоход тус дөхөм болоосой гэж хүсэн горьдоно. Б.Ринчен. Марк Твений минь махыг идэж дээ., ашиг тусыг хамгаалах (тухайн хүн, албан байгууллага, улс орны эрх ашгийг хамгаалах), тус дэм [хоршоо] (бие биедээ өгөх туслалцаа), тус дэмжлэг [хоршоо] (тус дэм) - Олны тус дэмжлэгээр сайн эр болж явахаас биш. Б.Ринчен. Үүрийн туяа., тус нөхцөл (ая дөхөмтэй нөхцөл, аятай нөхцөл), тус нэмэр [хоршоо] (нэмэр хандив, туслалцаа, тусламж дэмжлэг) - Биеэр тус нэмэр болсон хэнд ч ялгалгүй. А.Дашням. Өлзийнарангийн өчил., тус нэмэр болох (дэм болох), тус тулх [хоршоо] (тус нэмэр) - Тэдэнд ийм тус тулхтай юм хийж бүтээх чадвар байна уу. А.Дашням. Өлзийнарангийн өчил., тус түлхэц [хоршоо] (тус дэм), тустай бол тулмаар дүүрэн ч яах вэ [зүйр цэцэн үг] (хэрэгтэй зүйл илүүдэхгүй гэсэн санаа), тусыг тосоор хариулах [зүйр цэцэн үг] (тусыг тусаар хариулах), тусыг усаар, ачийг бачаар [зүйр цэцэн үг] (тус мэддэггүй), тус болох гээд ус болох [зүйр цэцэн үг] (бүтэлгүйтэх гэсэн санаа), тус хийсэн мартагдах, ус хийсэн мартагдахгүй [зүйр цэцэн үг] (сайн зүйл мартагдахдаа амархан, муу зүйлийг мартахад хэцүү гэсэн санаа).