Үхэр, заан, хандгай зэрэг амьтны үр төл - Жижиг тугалын бэлчих газраас хол явж үзээгүй, жирэмсэн эмийн шээх газраас гарч үзээгүй. Монголын нууц товчоо., зааны тугал (зааны үр төл), үнээний тугал (үхрийн үр төл), хандгайн тугал (хандгайн үр төл), тугал заяадуулах (үнээ тугаллахад олон үнээний нэг хэсгийг хөхүүлж, нөгөө хэсгийг хайдаг болгон ялгаж, хөхүүл нэг үнээнд хэд хэдэн тугал тэлүүлэн бойжуулж тугалын эхийг хайдагшуулан саах арга), тугалын зэл (дундаа олон чагттай, хоёр үзүүрт нь гадас шааж бэхэлсэн хэц), тугал тавих (намар үнээ саахаа больж тугалыг эхтэй нь нийлүүлж хамт байлгах), тугал татах (а. Үнээний хөхийг ивэлгэн хөхөж байсан тугалыг эхээс нь салгах; б. Үнээ сааж буй хүнд туслах, үнээ ивэлгэх), тугал тулам (тугалын арьсыг битүү өвчин элдэж хийсэн цагаан идээ хийх том сав), тугалын хашаа (тугал хаших хороо), тугалын бэлчээр (тугал бэлчих газар, гэрийн ойр газар) - Тугалын бэлчээрээс эхлэн тоглоом дэлгэсэндээ чи намайг эрх болгосон. Б.Лхагвасүрэн. Хос уянга., тугалын ногт (тугалыг зэлэнд уяхад зориулсан толгойд нь зүүх оосор), тугал нүд (зөөлөн харцтай том хар нүд), тугал бяруу [хоршоо] (үхрийн нэг, хоёр настай үр төл) - Туулын бургасыг тулгаж матсан тугал бярууны ширээр үдсэн. Гэрийн ерөөл., *тугал улаан болох (хүүхдийн бие зуны наранд маш их шарагдах), тугал унаж буурьт хүрдэггүй, тууль уншиж номтой болдоггүй [зүйр цэцэн үг] (уншиж бичдэг болсноор ухаантай болохгүй гэсэн санаа), тугал үхэрт, туулай бутанд [зүйр цэцэн үг] (жамтай юмыг өөрчлөх аргагүй гэсэн санаа), тугал унаж буурьт хүрэхгүй, тураг харж гэдэс цадахгүй [зүйр цэцэн үг] (тулга тойрсон өчүүхэн бодлоор хол явахгүй гэсэн санаа).