1. Эх хүн хүүхдээ гаргах - Хэрэв Юнгэн хатан үр төрүүлэхгүй бол би залуу хатан авах ёстой. Ш.Нацагдорж. Мандхай цэцэн хатан., төрүүлсэн эцэг эх (төрсөн эцэг эх, төрүүлж өсгөсөн эцэг эх); олон хүүхэд төрүүлэх (олон хүүхэд гаргах), хүү төрүүлэх (хүү гаргах);

---

2. [шилжсэн] Сургах, хүмүүжүүлэх, мэдлэг боловсрол, хүмүүжил олгох: багш нарыг төрүүлэх (багш нарыг бэлтгэн гаргах), мэргэжилтнийг төрүүлэх (мэргэжилтнийг бэлтгэн гаргах), эдийн засагчдыг төрүүлэх (эдийн засагчдыг бэлтгэн гаргах), эцэг эх биеийг төрүүлдэг, багш нар сэтгэлийг төрүүлдэг [зүйр цэцэн үг] (багш хүн төрүүлсэн эцэг эхтэй адил ачтай гэсэн санаа);

---

3. [шилжсэн] Бий болгох: уйтгар төрүүлэх (уйтгар хүргэх), итгэл төрүүлэх (итгэл бий болгох), сэтгэгдэл төрүүлэх (сэтгэгдэл бий болгох) - Ямар нэгэн үлэг том амьтан амьсгалаа дарж ямар нэгэн юмыг хүлээн байгаа мэт сэтгэгдэл төрүүлнэ. Ш.Нацагдорж. Мандхай цэцэн хатан., аймшиг төрүүлэх (айх сэтгэлийг бий болгох) - Тэртээд харлах уулын жалга хунхуйд өвөлжсөн айлын ноход хааяа хөв хөв хуцах нь хүртэл аймшиг төрүүлнэ. Д.Мягмар. Уянгын туужууд.