1. Зүг чигээ алдах, зам буруудах, буруу замаар орох - Газар орноо мэдэхгүй бол төөрөөд ч алга болж мэднэ. Г.Дүйнхэржав. Арилшгүй мөр., замд төөрөх (замаа алдах, зүг чигээ алдах), ойд төөрөх (ойд хаашаа явахаа мэдэхээ болих, замаа алдах), шуурганд төөрөх (шуурганд замаа алдах, зүг чигээ мэдэхээ болих); *төөрсөөр төрөлдөө (санамсаргүй аз таарах, аз тохиох) - Төөрсөөр төөрсөөр төрөлдөө гэгчээр журмын нөхөр Цанжидын Гүрсэдийнд хайрт эцэгтэйгээ учирсан. Л.Түдэв. Хувьсгал танаа өчье., төөрсөөр төөрсөөр төрөл дээрээ, дөтөлсөөр дөтөлсөөр төрхөм дээрээ [зүйр цэцэн үг] (будилсны эцэст учраа олох, санамсаргүй аз завшаан тохиох гэсэн санаа), төөрсөн мууг засаж болдог, төрөлх мууг засаж үл болдог [зүйр цэцэн үг] (төрөлхийн мууг засахад хэцүү гэсэн санаа), төөрөхгүйг бодвол зам барь, алдахгүйг бодвол хүнээс асуу [зүйр цэцэн үг] (бусдаас асууж, бусадтай зөвлөлдөж байвал алдахгүй гэсэн санаа), төөрсөн хүн ориломтгой, төөлсөн хүн алдамтгай [зүйр цэцэн үг] (барагцаалж биш яг таг хэмжиж хий гэсэн санаа);

---

2. [шилжсэн] Бодол, ухаан самуурч зөв буруу, үнэн худлыг ялгахаа болих - Ингэж буруу төөрч, бурхандаа тэрсэлж, лам багш нараараа тоглоом тохуу хийж байх гэж дээ. Ц.Уламбаяр. Юу гэнээ хө., ухаан санаа төөрөх (ухаан санаа будилах, ухаан санаа самуурах);

---

3. [шилжсэн] Буруу замаар орж, осол эндэл гаргах.