1. [ургамал] Гурван ирмэгт иштэй, өдлөг нийлмэл навчтай, цагаан болон хөхөвтөр цэцэгтэй цардуул ихтэй, үндсэндээ булцуу бүхий нэг наст хүнсний ногоо - Тариачдаас бэлэглэсэн талх, мах, төмс мэтийг асрамжийн хүүхдүүдэд өгчихдөг юм. Б.Нямаа. Арандалынхан;

---

2. Мөнхүү ургамлын булцуу: төмс арилгах (төмсний хальсыг цэвэрлэх), төмс суулгах машин (үрийн төмсийг хөрсөнд суулгахын зэрэгцээ, бордоо хийж өгөх зориулалттай тракторын хүч сунгах голоос эргэлт авч ажилладаг дүүжин машин), төмс тарих (төмс ургуулах), төмс хураах (ургасан төмсөө хураан авах), төмс хураах машин (төмсийг хөрснөөс ухаж гарган, иш навчнаас нь ялгаж тээврийн хэрэгсэлд ачих зориулалттай тракторт угсарч ажиллуулдаг чиргүүл техник), төмс ухах (төмс шороон дотроос ухаж гаргаж ирэх), төмс шарах (төмсийг тосонд болгох); төмсний гурил (төмснөөс гаргаж авах гурил), төмсний үрийн аж ахуй (төмс тарих тариалангийн үйлдвэрлэлийн салбар), төмсний цардуул (төмсний гурил), төмсний нухаш (төмсийг чанаж нухсан нь); төмс ногоо [хоршоо] (төмс болон хүнсэнд хэрэглэх бусад ногоо); төмс сэрүү орох (төмс болох); цагаан төмс [ургамал] (сараана цэцгийн язгуурын, чихэрлэг амттай том булцуут үндэстэй);

---

3. [цээрлэсэн] Засаа, төмсөг: төмс авах (засааг нь авах), төмс засаа [хоршоо] (эр амьтны бэлгэ эрхтэн).