Амсар нь өргөн болоод тавиу, дугуй хэлбэртэй, өндөр биш сав - Тэгэхээр нь хүүхэн идэж уух юмаа зайлуулж, паалантай төмпөн авчирч орны урд тавиад, гүцтэй ус барьж ирэв. С.Удвал. Та бид уулзана., төмпөнд зуурах (саванд зуурах), төмпөнд угаах (амсар томтой саванд угаах), төмпөнд хийх (тавиу саванд агуулах); гуулин төмпөн (гуулиар хийсэн сав), паалантай төмпөн (паалангаар бүрсэн сав), хөнгөн цагаан төмпөн (хөнгөн цагаанаар хийсэн сав), төмпөн сав [хоршоо] (юм агуулах янз бүрийн сав суулга) - Тариагаа цайруулан савлаж, төмпөн сав, тогоо дүүгээр утган, бие биедээ ургац тарианы дээжийг амсав. Ж.Дамдин. Үймээний жил.