1. Хувилахуй ухааны махбод болох мөнгөлөг өнгөтэй хүнд төмөрлөг, ган, ширэмний гол бүрэлдэхүүн нь болно: - Төмөр хэдий бөх ч зүлгэхгүй бол зэвэрнэ. Ж.Дашдорж. Цэцэн үгийн далай., төмөр алх (төмрөөр хийсэн алх), төмөр бар (төмрийг хүчлээр идүүлж урлах бар зургийн нэг хэлбэр), төмөр бариул (төмрөөр хийсэн бариул), төмөр зэвсгийн үе (хүрэл зэвсгийн дараах хүн төмрөөр юм хийх болсон үе), төмөр давтах (зузаан төмрийг улайсган лантуугаар цохиж нимгэлэх), төмөр сийлбэр (төмөр сийлж гоёл чимэглэлийн зүйл хийдэг ардын урлалын нэг төрөл зүйл), төмөр татлага (ган, төмөр материалаар хийсэн уяа, оосор), төмөр тэрэг (монгол ардын тайван ая хэмнэлтэй богино дуунд тохируулан бүжиглэдэг нийтийн цэнгээнт бүжиг), төмөр хайлах (төмрийг өндөр температурт хайлуулах), төмөр хуур (хоёр үзүүр гаргаж цуван, зууван дугуй болгон матаж эргүүлсэн аралтай, дунд нарийн үзүүрийг нь матиралдуулан босгон хэл суулгасан, хэлний торгон үзүүрийн эргүүлийн дотор мөнгө, гуулин үрэл бэхэлдэг төмрөөр хийсэн аман хуур), төмөр хуяг [хуучирсан] (нарийн цагариг төмрийг хэлхэж хийсэн байлдаанд халхавч болгон өмсөх хувцас), төмөр өлгий хадаас [хуучирсан] (бэхлэх төмөр, төмөр бөгж), төмөр утас (нарийн цувьсан урт төмөр), төмөр уятгах (төмрийг уян болгох, зөөлөн болгох), төмөр цамхаг (өндөр хүчдэлийн цахилгаан дамжуулах утас татахад зориулсан цамхаг), төмөр татах чулуу (соронзон), төмөр ширээх (төмрийн хүдрийг боловсруулж төмөр гарган авах), төмрийн баас (төмрийн хүдрийг хайлуулж, төмрийг ялган аваад үлдсэн зүйл, хаягдал, ялгадас), төмрийн бэлдмэл (хүний бие махбодод төмөр дутагдах үед уух эм бэлдмэл), төмрийн дархан (төмрөөр юм хийдэг мэргэжлийн хүн), төмрийн завод (төмөр гарган авах болон төмрөөр элдэв зүйл хийх үйлдвэр), төмрийн үе (эрт цагийн хүмүүс төмөр хэрэглэх болсон үе), төмрийн хүдэр (төмрийн хольц бүхий чулуулаг), төмрийн хуурай (төмөр үрэх багаж), төмрийн хутга (ихэвчлэн тэгш өнцөгт хэлбэрийн хөндлөн огтлолтой ган саваа хэлбэрийн багаж), төмрийн хүрэн хүдэр (төмөр агуулж буй нэгэн зүйл хүдэр), төмрийн хонд (улаан хүрэн өнгөтэй нэг зүйл будаг), төмрийн уурхай (төмөр олборлох газар), төмрийн ширхэг [хуучирсан] (төмөр утас), ган төмөр (гантай хольсон маш сайн чанарын төмөр), цагаан төмөр (нимгэн төмөр), төмөр тэмээ [хуучирсан] (хуучин Дайчин бэйсийн хошуу одоогийн Дундговь аймгийн Өндөршил сумын Далай гэдэг нутагт Богд эзний тэмээн сүргийг ийн нэрлэж байв. Энэ нь уг чанартаа Манжийн хааны төмөр сүргийн нэг хэсэг байв), төмөр сүрэг [хуучирсан] (манжийн хааны зарлигаар ямар ч шалтгаан тохиолдсон тоо бүрэн байлгах сүрэг), төмөр тохоймол [хуучирсан] (тохой хэлбэртэй төмөр муна); *төрөөгүй хүүхдэд төмөр өлгий бэлдэх (юмны учир сайн олдоогүй байхад урьдаас зэхэх хэрэггүй гэсэн санаа), төмөр шиг байвал хуурай шиг байх [зүйр цэцэн үг] (хүн яаж хандана хариуг нь тэгж барина гэсэн санаа), төмрийн сайн зэвэрдэггүй, төрлийн сайн мартагддаггүй [зүйр цэцэн үг] (сайн хүн мартагддаггүй гэсэн санаа), төмрийн сайныг давтаж мэддэг, морины сайныг довтолгож мэддэг [зүйр цэцэн үг] (аливаа юмны чанарыг эдэлж, хэрэглэж байж мэднэ гэсэн санаа), төмөр дөрөө сэтэртэл, төрсөн биен үлтэртэл [зүйр цэцэн үг] (маш их үгүйлэн санах гэсэн санаа), төмөр усанд дэвтэхгүй, тос усанд шингэхгүй [зүйр цэцэн үг] (бүтэхгүй зүйлд санаархах гэсэн санаа), төмөр хэдий бөх боловч зүлгэхгүй бол зэвэрнэ, хүн хэдий сайн боловч сурахгүй бол хоцорно [зүйр цэцэн үг] (эрдэм номд шамд гэсэн санаа), төмрийн сайныг дархан мэддэг, төрийн сайныг түмэн мэддэг [зүйр цэцэн үг] (төр засгийн үйл хэргийг ард түмэн дүгнэдэг гэсэн санаа);
--oOo--