Хүний хувь тавилан, амьдралд тохиолдох элдэв явдлыг урьдчилан тааварлах мэргэ - Харин чиний тухай л тун их зовцгоож ээж чинь ламаар төлгө тавиулж гүрэм хийлгэсэн гэнэ дээ. Ц.Уламбаяр. Зовлон жаргал., төлгө орхих (төлгө тавих), төлгө тавих ~ төлгө үзэх (элдэв эд зүйл хэрэглэн, шинж тэмдгээр нь хүний хувь тавилан мэдэх), төлгө мэргэ ~ мэргэ төлгө [хоршоо] (хүний хувь тавилан, хэрэг явдлын тухай тааварлан хэлэх нь), төлгө бэлгэ [хоршоо] (зөн совин, цэцэн мэргэн, ухаантай, эрдэмтэй) - Энэ суваргыг уг байгуулсан мэргэд лав төлгө бэлгэд мэргэн хүн буй. В.Инжаннаши. Хөх судар., төлгө үзэгч түмэн худалч, заяа бодогч жаран худалч [зүйр цэцэн үг] (мэргэ төлгөнд итгэх хэрэггүй гэсэн санаа).