1. Тоглоом хийж, элэглэн шоолж наадах нь - Надаар тохуу хийсэн юм болов уу гэж бодохоор сэтгэл нь нэг л хачин болно. Ч.Алагсай. Алтайн зам., тохуу үг (тоглоомын үг, шоглоомын үг), тохуу болгох (хүний инээдэм болгох), тохуу хийх (элэглэн шоолох), наадам тохуу [хоршоо] (бусдыг элэглэн шоолж наадах нь), тоглоом тохуу [хоршоо] (нэг нэгнийгээ элдэв үгээр егөөдөн тоглох нь), наадам тохуу [хоршоо] (элэглэл, зугаа) - Толгой бөхийж явсангүй, товойж тодорсон нэргүй, тохуу тоглоом болов. Монголын Маньбадарын хууч., инээд тохуу [хоршоо] (бие биеэ элэглэн шоолж наадах нь);

---

2. Элэг доог: доог тохуу [хоршоо] (элэг доог, даажин хийх нь);

---

3. Ажил явдалгүй эрх танхи: тохуу суух (ажил төрөлгүй зүгээр суух), элдвээр тохуу аашлах (янз бүрийн эрх танхи ааш гаргах).