1. Эмээл, тохош зэргийг морь малын нуруун дээр тогтоож бэхлэх: тохом тохох (тохдог юм тавих, зөөлөвч тавих), эмээл тохох (эмээл тавих) - Та манайд ирэхэд унах морь, тохох эмээлээр мухардахгүй, миний хэдэн сайн морь бий. Ц.Дамдинсүрэн. Түүвэр зохиол., тохох морь (уналгын морь);

---

2. Аливаа нэг зүйлийг юман дээгүүр бөгтөрч, нугалж тавих - Өврөөсөө сонины цаасанд боосон цагаан пансан алчуур гаргаж Мянганы хүзүүн дээгүүр тохов. “Цог” сэтгүүл., тохож тавих (юман дээр бөгтөрч, унжуулан тавих), тохож хатаах (хувцас, эд зүйлийг юман дээгүүр бөгтөрч унжуулан хатаах), алчуур тохох (алчуур өлгөх), ороолт тохох (хүзүүний ороолт ороох, тавих);

---

3. [шилжсэн] Бусдыг буруутгах, өөрийн гэмийг бусдад хүлээлгэх - Чамайг явуулсан гэж хамаг бурууг надад тохох байлаа. Л.Түдэв. Улаан долгио., буруугаа бусдад тохох (буруугаа бусдад нялзаах), гэмээ тохох (гэмээ бусдад нялзаах);

---

4. [хуучирсан] Нэхэх.