1. Урдаас нь угтах, угтуулах - Хажуугаар чинь айлчин нүүдэлчин өнгөрвөл домботой цай, тавагтай идээ барьж тосож хүндэл. Х.Нямбуу. Хамгийн эрхэм ёсон., тосож авах (угтан авах), тосож гүйх (угтан гүйх), тосон байлдах (угтан байлдах), тосон золгох (угтан золгох), тосож ярих (амдаж ярих, өлгөн авч ярих) - Лувсангийн яриаг тосож аваад, -Ингэж яриад байвал тэр хүн чинь олдохгүй шүү дээ. С.Удвал. Та бид уулзана., зам тосох (зам дээр угтах), элч тосох (элч угтах);

---

2. Юм авахаар гараа сунгах: алгаа тосох (гараа сунган алгаа дэлгэх) - Арван ембүү хараад, алгаа тосдог аав уу даа хө. Монгол ардын дуу., гараа тосох (гараа тэнийлгэн алгаа дэлгэх) - Настнаа хүндэлж залуу нь хоёр гараа тосож золгодог ёстой юм. Б.Сосорбарам. Очсын хүрээлэн., хормойгоо тосох (хормойгоо хоёр гараараа барин өөд болгох) - Хорин лангийн ембүүнд хормойгоо тосдог ээж үү дээ хө. Монгол ардын дуу., *алга тосох (элдэвчлэн нэхэх, шаардах) - Сонин юм алга шив дээ. Хошууны гурван пүүс унгас, ноос, арьс, шир гэж алгаа тосдог хэвээрээ. Жанчхүүгийн таван танхим эзний сүрэг мэнд үү, энээ тэрээ гэж байцаадаг бахь байдгаараа л билээ. Д.Маам. Газар шороо;

---

3. Гоожиж дусах зүйлд сав тавих - Тэр нь юу вэ гэвэл тэрхүү дээл малгай мэт дээд биеийн хувцаснаас асгах бүгдийг дороос нь тосох хишгийн сав нь гутал оймс болно. Х.Нямбуу. Хамгийн эрхэм ёсон.