1. Багахан суурин газар - Нэгдлийн тосгоныг хов хоосон газарт байгуулна гэнэ. Л.Түдэв. Нүүдэл., тосгоны айл (багахан сууринд амьдрах айл), тосгоны дарга (жижиг суурины дарга, тосгонд амьдрах хүмүүсийн ахлагч), гацаа тосгон [хоршоо] (жижиг суурин газар) - Эндэхийн гацаа тосгонд бүр ч хямд байгаа гэжээ. Б.Ринчен. Өмнө этгээдэд зорчсон тэмдэглэл., хот тосгон [хоршоо] (том, бага суурин газар), хөдөө тосгон [хоршоо] (хөдөө нутгийн бага шиг суурин газар), тосгон суурин [хоршоо] (жижиг суурин газар) - Зах зээлийн газар, тосгон сууринаар явахгүй. Б.Ринчен. Үүрийн туяа., тосгон хүрээ [хоршоо] (суурин газар) - Өмнө биеийн шугуй доторх тосгон хүрээ даруй мөн билээ. Гурван улсын үлгэр.