1. Математикийн тэмдгээр утга илэрхийлэх явдал: томьёоны ухаан (юмны тоог үл харгалзан, чанар, хэмжигдэхүүнийг томьёогоор илрүүлэн судлах ухаан, алгебр), химийн томьёо (хувилахуйн ухааны элдэв үзэгдлийг тоогоор илэрхийлэх нь), томьёо тэмдэг [хоршоо] (элдэв тоон тэмдэглэгээ) - Далайн байдлыг үзүүлсэн томьёо тэмдгүүдийг гаргаж чадна. Ж.Верн. Арван таван наст капитан., тоо томьёо [хоршoo] (а. Бүртгэл, тооцоо; б. Тооны элдэв тэмдэглэгээ);

---

2. Нэр: нэр томьёо (мэргэжлийн ухагдахууныг бүрэн дүүрэн илэрхийлэх дан үг болон нийлмэл үг) - Энэтхэгтэй эртний соёлын харьцаатай байсан учир манай монгол хэлэнд самгардийн нэр томьёо бас л олон бий. Б.Ринчен. Өмнө этгээдэд зорчсон тэмдэглэл., нэр томьёоны толь бичиг (тодорхой мэргэжлийн хүмүүсийн хэрэгцээг хангах толь бичиг);

---

3. Мэдээ, мэдрэл: мэдээ томьёо [хоршоо] (хүний уураг тархи, сэтгэхүйн хэвийн үйл ажиллагаа, мэдрэл), мэдээ томьёо алдах (хүний уураг тархины хэвийн үйл ажиллагаа алдагдах, мэдрэлгүй болох), мэдээ томьёо барагдах (мэдрэл алдах, ухаан балартах).