1. Бага, жижиг гэдгийн эсрэг утга; Юмны овор дүр ба хэмжээгээр их байдал - Багш тэр зүг нэг хяламхийж хараад үг дуугүй танхимын том гэр лүү чиглэв. Б.Ринчен. Гүнж., том аж ахуй (өргөн цар хүрээтэй үйлдвэрлэл явуулдаг аж ахуйн нэгж), том биетэй хүн (бусдаас биерхүү хүн), том гэр (хэмжээ багтаамж сайтай гэр), том үсэг (бусад үсгээсээ ялгарсан буюу томоор бичсэн үсэг), том жижиг [хоршоо] (овор дүр, хэмжээ харилцан адилгүй зөрөөтэй), агуу том [хоршоо] (овор дүр, хэмжээний хувьд маш том), *нүд нь том болох (а. Ихэд гайхах; б. Ихэд айж сандрах), *том гар (эрх мэдэлтэй, нөлөөтэй, хөрөнгө мөнгө ихтэй хүн), *том толгой (хэргэм тушаал их, ихэмсэг зантай хүн), том толгой гаргах (их зан гаргах, дураараа авирлах);

---

2. Насанд хүрсэн: том болох (нас биед хүрэх) - Хоёр хүү нь том болоод хоёул ургахын улаан нарнаас унтахын шар нар хүртэл түлээнд явдаг болжээ. ААЗ., том хүн (насанд хүрсэн хүн); том хүний ярианд оролцох (насанд хүрсэн хүмүүсийн ярианд хүүхэд багачууд оролцох), том мал (бод мал);

---

3. [шилжсэн] Эрх дарх, зэрэг тушаалаар өндөр, эрдэм боловсрол сайтай, олонд нэр хүндтэй - Энэ ширүүн давшилт дундуур манай салбарын байлдагч Гоодон дайсны том тушаалын ахлах офицерыг харсаар байтал ганцхан сумаар сөнөөчхөв. Т.Дэчингунгаа. Өөдрөг зам;

---

4. [шилжсэн] Ууган - айлын том охин (айлын ууган охин) - Харихад нь том охин нь хаалга онгойлгож өгөхдөө эцгээ айж эмээснийг мэдэв. Турк ардын үлгэр.